Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Səfər Mehdiyev Gürcüstanla gediş-gəlişin asanlaşacağını deyir

Abunə olmaq
Dövlət Gömrük Komitəsinin (DGK) sədri Səfər Mehdiyev deyir ki, Mərkəz fəaliyyətə başladıqdan sonra Azərbaycana yük gətirən nəqliyyat vasitələrinin sıxlığı aradan qaldırıla biləcək

Səfər Mehdiyev: “Yeni mərkəz avtomobil buraxılışını asanlaşdırmağa imkan verəcək”
“Gürcüstanla sərhəddə, “Sınıq Körpü” gömrük-keçid məntəqəsində tikilən Ticarətin Asanlaşdırılması Mərkəzi sentyabrın sonunda istifadəyə veriləcək”. Sputnik Azərbaycan-ın məlumatına görə, bunu “Gömrük orqanlarında aparılan islahatlar və nəticələr” mövzusunda keçirilən mətbuat konfransında çıxış edən Dövlət Gömrük Komitəsinin (DGK) sədri Səfər Mehdiyev deyib.

S.Mehdiyev bildirib ki, mərkəzin açılışı gömrük-keçid məntəqəsi vasitəsilə sərhədi keçərkən sıxlığı azaltmağa, eləcə də yük və avtomobil buraxılışını asanlaşdırmağa imkan verəcək:

“Yəni bununla gömrük rəsmiləşdirilməsi prosedurları orada həyata keçiriləcək. Ticarətin Asanlaşdırılması Mərkəzi fəaliyyətə başladıqdan sonra biz ölkəmizə yük gətirən nəqliyyat vasitələrinin sıxlığını aradan qaldıra biləcəyik”. Mərkəz “Azərbaycan və Gürcüstan arasında Qırmızı Körpü sərhəd-keçid məntəqəsinin inkişafına dəstək” layihəsi çərçivəsində Avropa İttifaqının maliyyə dəstəyi ilə inşa olunur.

DGK sədrinin geniş şərhinə audiofaylda qulaq asa bilərsiniz

Xəbər lenti
0