Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

“Əsrin müqaviləsi” olmadan müasir Azərbaycanı təsəvvür etmək mümkün deyil

© Sputnik / Murad OrujovNeft Araşdırmaları Mərkəzinin (NAM) rəhbəri İlham Şaban
Neft Araşdırmaları Mərkəzinin (NAM) rəhbəri İlham Şaban - Sputnik Azərbaycan
Abunə olmaq
Neft Araşdırmalar Mərkəzinin rəhbəri İlham Şaban deyir ki, Azərbaycanın feodalizmdən kapitalizmə keçidi neft sənayesi üzərində qurulub

İlham Şaban: ““Əsrin müqaviləsi” bizim ilk böyük uğurumuz idi”
Azərbaycanda sənaye sektorunun 90 faizdən artığını neft-qaz sənayesi təşkil edir. Bunu Sputnik Azərbaycan-a “Əsrin müqaviləsi”nin əhəmiyyəti haqqında danışarkən Neft Araşdırmalar Mərkəzinin rəhbəri İlham Şaban deyib.

Ekspert bildirib ki, faktiki olaraq neft-qaz sektoru Azərbaycan sənayesinin lokomotividir: “Azərbaycanın feodalizmdən kapitalizmə keçidi neft sənayesi üzərində qurulub. Biz müstəqilliyimizi qazandıqdan sonra əldə etdiyimiz ilk böyük uğur 1994-cü ildə xarici neft şirkətləri ilə imzalanmış “Əsrin müqaviləsi” idi. Aradan 23 il keçəndən sonra bu müqavilə üzrə ikinci yeni bir saziş imzalandı”.

“Əsrin müqaviləsi” 1994-cü ilin sentyabrın 20-də Bakıda “Xəzər dənizinin Azərbaycan sektorunda “Azəri”, “Çıraq” yataqlarının dərinlikdə yerləşən hissəsinin birgə işlənməsi və hasil olunan neftin pay şəklində bölüşdürülməsi” haqqında dünyanın 11 ən iri neft şirkəti ilə imzalanıb.

Xəbər lenti
0