Qələm - Sputnik Azərbaycan
TƏHLİL
Sosial-iqtisadi, ictimai-siyasi, mədəniyyət, idman və digər sahələrə aid aktual təhlillər

Ekspert: “Neftin qiyməti 100 dolları keçəcək”

© Photo : N.Cəfərlinin şəxsi arxiviNatiq Cəfərli, iqtisadçı-ekspert
Natiq Cəfərli, iqtisadçı-ekspert - Sputnik Azərbaycan
Abunə olmaq
İqtisadçı-ekspert Natiq Cəfərli deyir ki, neft qiymətlərinin indiki maksimal hədləri bir müddət davam edəcək

Natiq Cəfərli: “Neft bazarında çox ciddi qeyri-müəyyənlik yaranıb”
“Bank of America Merrill Lynch” investisiya bankı gələn il dünya bazarında xam neftin 1 barelinin qiymətinın 100 ABŞ dollarına çata biləcəyini bəyan edib. İqtisadçı-ekspert Natiq Cəfərli Sputnik Azərbaycan-a deyir ki, son günlər neft qiymətlərinin gələcəyi ilə bağlı bir-birinə əks proqnozlar verilir:

“Hazırda neft bazarında qeyri-sabitlik var. Məsələn, nüfuzlu “Fitch” agentliyi İrana sansksiyaların tətbiq olunmasına baxmayaraq, dünya bazarında neftin qiymətinin düşəcəyini proqnozlaşdırır. Son illərdə ilk dəfə olaraq neft bazarında çox ciddi qeyri-müəyyənlik yaranıb. OPEK və Rusiya anlaşması bazarda müəyyən balans yaratmışdı.  “Bank of America Merrill Lynch”-in proqnozu sırf İran sanksiyaları ilə bağlıdır. Belə bir ehtimal da var ki, İran neft bazarından tamamilə sıxışdırılıb çıxarılacaq. Düşünürəm ki, neft qiymətlərinin indiki maksimal hədləri bir müddət davam edəcək. Əgər bölgədə böyük müharibə olsa, burada Səudiyyə Ərəbistanı və İran iştirak etsə, neftin qiyməti 100 dolları da keçəcək. Qiymətlər, əsasən, siyasi risklərdən asılı olacaq”.

Qeyd edək ki, ABŞ prezidenti Donald Tramp İranla “altılıq” dövlətlərinin 2015-ci ildə, əvvəlki prezident Barak Obama dövründə bağlanan nüvə sazişi müqaviləsindən Vaşinqtonun çıxdığını bəyan edib. Yaranmış situasiyada isə neftin qiyməti daha da bahalaşır. 

Ekspertin geniş şərhinə audiofaylda qulaq asa bilərsiniz

Xəbər lenti
0