Politoloq bildirib ki, əgər əvvəllər iki ölkəni mənəvi bağlar bir-birinə yaxınlaşdırırdısa, indi bunda siyasi və iqtisadi əlaqələr mühüm rol oynayır: “Bu Türkiyə-Azərbaycan strateji müttəfiqliyinin xarakterindən irəli gəlir. Regionda bir neçə irimiqyaslı layihələr işə düşüb. Bundan sonra da iqtisadi sahədə əməkdaşlıq davam edəcək və bütün bunlar iki ölkəni bir-birinə daha da yaxınlaşdıracaq. İqtisadi əməkdaşlıq bizim siyasi birliyimizi də gücləndirir”.
Prezident seçkilərindən sonra İlham Əliyev ilk rəsmi səfərini Türkiyəyə edib. Ankarada Türkiyə prezidenti Rəcəb Tayyib Ərdoğanla görüşdən sonra keçirilən mətbuat konfransında Azərbaycan prezidenti Türkiyə və Azərbaycanın həyata keçirdiyi birgə layihələrin tək iqtisadi deyil, həm də böyük siyasi əhəmiyyəti olduğunu bildirib.
