Mədət Quliyev: “Azərbaycan dünyada tanınır”
“Azərbaycan dünyada ən təhlükəsiz dövlətlərdən biridir”. Sputnik Azərbaycan xəbər verir ki, bunu prezident seçkilərində səs verərkən jurnalistlərə açıqlama verən Dövlət Təhlükəsizliyi Xidmətinin (DTX) rəisi Mədət Quliyev deyib.
“Azərbaycanın daxilində heç bir təhlükə yoxdur. Yalnız ölkədən kənarda Azərbaycana qarşı siyasət aparanlar var. Bunun da qarşısı ölkə rəhbərliyi tərəfindən alınır. Hazırda heç bir təhlükə yoxdur. Hamı rahat şəkildə səsvermədə iştirak edə bilir. Seçki aktiv gedir. İnsanlar gəlir, öz siyasi iradəsini bildirir. Biz xoşbəxt adamlarıq. Azərbaycan dünyada tanınır”, — deyə M.Quliyev bildirib.
Bu gün Azərbaycanda prezident seçkiləri keçirilir.
