“Azərbaycan-iran iqtisadi əlaqələri getdikcə güclənir. İki ölkə arasında nəqliyyat sahəsindəki münasibətlər maraq doğurur. Xüsusən də Bakı-Tbilisi-Qars dəmir yolunun fəaliyyətinə İran böyük maraq göstərir. Çünki bu marşrutun Qərbi Avropaya çıxışı var. İran da istəyir ki, bu yolla öz məhsullarını Avropa bazarlarına çıxarsın. İranın ən böyük problemi öz məhsullarını inkişaf etmiş, böyük bazarlara çıxara bilməməsidir. Bunu da indiki şəraitdə Azərbaycan vasitəsilə etmək olar. Həmçinin Azərbaycan və İranın həmsərhəd ölkə olması sərhədyanı ticarətin inkişafına diqqət tələb edir. Çünki sərhədyanı ticarət iqtisadi əlaqələrin inkişafına təkan verir. Hər iki ölkə iqtisadi siyasət sahəsində təcrübə mübadiləsi apara bilərlər” — deyə o bildirib.
Qeyd edək ki, martın 13-də İrana səfər edən Azərbaycan iqtisadiyyat naziri Şahin Mustafayev Azərbaycan-İran hökumətlərarası müştərək iqtisadi komissiyasının 12-ci iclasında Azərbaycan, İran və Rusiya birgə energetika dəhlizi yarada biləcəyini bildirib.
Ekspertin geniş şərhinə audiofaylda qulaq asa bilərsiniz
