Azər Həsrət: “Azərbaycanda azadlıqların təmin edilməsi üçün bütün imkanlar yaradılıb”
Azərbaycanda bütün fundamental azadlıqlar, o cümlədən mətbuat azadlığı təmin edilir. Bunu Prezident İlham Əliyev Davosda Dünya İqtisadi Forumunun “Strateji baxış: Avrasiya” adlı interaktiv iclasında Azərbaycanda mətbuat azadlığı ilə bağlı suala cavabında deyib.
Media məsələləri üzrə ekspert Azər Həsrət Sputnik Azərbaycan-a deyir ki, müxtəlif mərkəzlər tərəfindən Azərbaycana qarşı qarayaxma kampaniyası aparılır:
“Davos Dünya İqtisadi Forumunda Prezident İlham Əliyevə belə bir sualın yönləndirilməsi Azərbaycandakı reallıqları dünyaya çatdırmaq üçün imkan yaratdı. Azərbaycan öz qanunvericiliyini Avropa standartlarına uyğunlaşdırıb. Bizim ölkəmizdə məsuliyyətli azadlıqlar tam təmin edilir”.
