İlqar Vəlizadə: “İran hakimiyyətinin möhkəm dayaqları böyük sarsıntılara imkan verməyəcək”
Son günlər İranda baş verən iğtişaşlara etiraz əlaməti olaraq ölkənin müxtəlif şəhərlərində yürüşlər keçirilir.
Politoloq İlqar Vəlizadə Sputnik Azərbaycan-a deyir ki, son dövrlərdə mürəkkəbləşən iqtisadi, sosial problemlər bu hadisələrin baş verməsinə gətirib çıxardı:
“İrana qarşı Qərbin tətbiq etdiyi sanksiyalar iqtisadiyyatın əsas sahələrinə ciddi təsir edib. Bunlar hamısı birlikdə sosial narazılığa gətirib çıxardı. İran cəmiyyəti son illər ümidlə yaşayırdı ki, ölkənin nüvə proqramı ilə bağlı imzaladığı saziş öz nəticələrini verəcək. Ancaq bu baş vermədi. Baş verənlərin əsas səbəbi kimi sosial problemləri göstərmək olar”.
