Fikrət Sadıxov: “Azərbaycan bundan sonra da Avropadakı təşkilatlarla əməkdaşlıq edəcək”
Son günlər Azərbaycan və Avropa İttifaqı arasında münasibətlərin gərginləşməsi müşahidə olunur.
Politoloq Fikrət Sadıxov Sputnik Azərbaycan-a deyir ki, Azərbaycan Avropadakı bir çox beynəlxalq təşkilatla əməkdaşlıq edir və bundan sonra da edəcək:
“Son Brüssel sammitinin yekun bəyannaməsində Azərbaycanın ərazi bütövlüyünün dəstəklənməsi bizim diplomatik uğurumuzdur. Biz Avropa üçün maraqlı ölkəyik. Ancaq Azərbaycan heç vaxt öz maraqlarına cavab verməyən addımlar atmayacaq”.