Məlahət Mürşüdlü: “Təqdimatı edilmiş dərsliklə bağlı müəllifə irad tutmaq olmaz”
“Məktəb dərsliklərindəki nöqsanlara görə bütün məsuliyyət nəşriyyatların üzərindədir”. Bunu Sputnik Azərbaycan-a açıqlamasında təhsil eksperti Məlahət Mürşüdlü deyib.
“Belə halların qarşısını almaq üçün Təhsil Nazirliyi bütün məsuliyyəti öz üzərinə götürməlidir. Dərsliklərdəki qüsurlar təlim-tərbiyədə problem yaradır. Dərsliklər nəşriyyatda çap edilməmişdən öncə ictimai müzakirəyə çıxarılmalıdır. Dərsliklərlə bağlı təqdimatların edilməsi məsuliyyətin bölüşdürülməsi deməkdir” — deyə o bildirib.
Qeyd edək ki, son vaxtlar ümumtəhsil orta məktəb dərsliklərində qarşılaşılan çoxsaylı nöqsanlar cəmiyyət tərəfindən narazılıqla qarşılanır.
