Azər Allahverənov: “Nasaz olan avtobusların xəttə buraxılması halları mövcuddur”
Bakıda yağan aramsız yağışlar ictimai nəqliyyatda olan köhnə və yeni problemləri üzə çıxardı. Nəqliyyat məsələləri üzrə ekspert Azər Allahverənov Sputnik Azərbaycan-a deyir ki, ictimai nəqliyyatda olan mövcud problemlər ənənəvi xarakter daşıyır:
“Payız fəslində xəttə buraxılmağa hazır olmayan avtobusların fəaliyyəti problemlərə səbəb olur. Nasaz olan avtobusların xəttə buraxılmasında məsuliyyəti sərnişindaşıma şirkətləri daşıyır. İctimai nəqliyyat yağışın, qarın yaratdığı çətinliklərə baxmayaraq effektiv fəaliyyət göstərməlidir”.
