Gülnarə Abdullayeva: "Abbasqulunun çıxışı alındı, biz ona uğurlar arzu edirik"
"Tı super! Tansı"nın azərbaycanlı iştirakçısı Abbasqulu Səfərov beynəlxalq rəqs müsabiqəsinin ikinci turuna keçib. 11 nömrəli İnteqrasiya təlimli internat məktəbinin direktoru Gülnarə Abdullayeva şagirdinin uğuru ilə bağlı təəssüratlarını Sputnik Azərbaycanla bölüşüb.
"Biz hamımız çox böyük həyəcan keçirdik və bu çox təbiidir. Biz Abbasquluya uğurlar arzu edirik. Onun çıxışı çox yaxşı idi", — deyə Gülnarə Abdullayeva bildirib.
Müsabiqədə 142 yeniyetmə rəqqas iştirak edir. Onlar böyük bir auditoriya qarşısında öz xoreoqrafik bacarıqlarını nümayiş etdirərək populyarlıq qazanmaq şansını əldə ediblər. Azərbaycanı bu genişmiqyaslı layihədə həmçinin Sevda Fətullayeva və İlkin Hüseynov-Sevinc Behbudova rəqs cütlüyü təmsil edir.