Eyyub Hüseynov: “İstehlakçılar yaradılan vəziyyətdən narazıdır”
Yeni dərs ilinin başlanmasına az qalmış övladını keyfiyyətli və ucuz məktəb ləvazimatları ilə təmin etmək valideynlərin əsas qayğısına çevrilib.
Azad İstehlakçılar Birliyinin sədri Eyyub Hüseynov Sputnik Azərbaycan-a deyir ki, hər gün məktəb ləvazimatları və yarmarkalarla bağlı onlara zənglər daxil olur: “Valideynlər məktəbli geyimlərinin keyfiyyəti, satış şəbəkələri haqqında məlumat almaq istəyirlər. Hər il biz bu məsələni qeyd edirik. İstənilən ölkədən, istənilən biznes quruma standartlara uyğun məktəbli formalarını gətirməyə, tikib satmağa şərait yaradılmalıdır. Əgər bu olarsa qiymətlər də aşağı düşər”.
“Respublika ərazisində 20-dən çox yerdə yarmarkalar fəaliyyət göstərir. Qiymətlərin baha olmasına görə istehlakçılar ucuz yerlərə üz tuturlar. Bu sahədə tam liberal şərait yaradılarsa məktəbli formalarının qiyməti ən azı 50 faiz aşağı düşər” – deyə o bildirib.
