Əflatun Amaşov: “Azərbaycanda işçilərin hüquqları həmkarlar təşkilatları tərəfindən qorunur”
"Son illər Azərbaycanda sosial dialoq və əmək standartları sahəsində kifayət qədər işlər görülüb". Sputnik Azərbaycan xəbər verir ki, bunu Mətbuat Şurasının sədri, millət vəkili Əflatun Amaşov deyib: “Rəsmi məlumatlara görə, son 10 ildə 1 milyon 600 min iş yeri açılıb. Sosial dialoq ayrı-ayrı tərəflərin ümumi məxrəcə gəlmələridir. Dünyada bu müxtəlif standartlarla həyata keçirilir. Son zamanlar Azərbaycanda həm dövlət, həm də həmkarlar təşkilatları tərəfindən, həmçinin sahibkarların təşkilatlarının milli konfederasiyası tərəfindən birgə layihələr həyata keçirilir. Bu tərəflər arasında baş kollektiv saziş imzalanıb”.
“İşçilərin hüquqları həmkarlar tərəfindən qorunur. Dövlət burada arbitr rolunu oynayır. Son iki üç ildə ayrı-ayrı sahələr üzrə 150-dən çox sənəd hazırlanıb. Bu jurnalistika sahəsində də həyata keçiriləcək” – deyə o bildirib.
