Mirzə Məmmədvəliyev: “Ümid edirik ki, gələcəkdə bu sahədə inkişaf etmiş ölkələrin təcrübələrindən istifadə olunacaq”
Azərbaycanda əlillərin sahibkarlıq subyekti kimi formalaşmasında artıq ilkin addımlar atılmaqdadır. Bunu Sputnik Azərbaycana açıqlamasında "Əlil Sahibkarlar Təşkilatı" İctimai Birliyinin sədri Mirzə Məmmədvəliyev deyib: “Azərbaycan Respublikası Prezidenti yanında Dövlət Dəstəyi Şurasının xətti ilə bu istiqamətdə mövzular qoyulur. Eni zamanda digər mərkəzi icra hakimiyyəti orqanları səviyyəsində donor olaraq sifarişlərin verilməsinə şərait yaradılır”.
“Azərbaycan gənc dövlətdir. Bu sahədə nailiyyətlərimiz az deyil. Ümid edirik ki, gələcəkdə bu sahədə inkişaf etmiş ölkələrin təcrübələrindən istifadə olunacaq. Biz də öz təklif və tövsiyyələrimizlə müraciət edib dövlətdən yardım alacağımıza inanırıq” – deyə o bildirib.
