Azad İstehlakçılar Birliyinin sədri Eyyub Hüseynov deyir ki, Azərbaycanda bazar iqtisadiyyatı olduğu üçün istehsalçı istənilən məhsulu istədiyi qiymətə sata bilər: “Lakin təəssüflər olsun ki, istehsalçılara bəzən təzyiqlər göstərilir. Yarmakalarda dövlət məmurları tərəfindən qiymət tənzimlənməsi cəhdləri baş verir. Dövlət özünün gömrük, vergi siyasətindən istifadə edərək bolluq yarada bilər. Lakin dövlət orqanlarının qiymət siyasətinə müdaxilə etməsi doğru deyil”.
“Açılan yeni yarmakalarda vəziyyəti lazımi səviyyəyə gətirə bilmirlər. Bazar istehlakçılarla, satıcıların nəzarətinə buraxılmalıdır, qiymət ordan formalaşmalıdır. Bazarda keyfiyyətlə bağlı da ajiotaj var. Tələbin təklifi üstələməsinə görə keyfiyyətsiz mallar ortaya çıxıb. Bu il xüsusən də qoz, fındıq ləpələrində acılığın olması zəhərli göbələklərin olmasına görədir. Həmçinin qiymətin artması müşahidə olunur. Ən çox isə balıq məhsullarının qiymətində artımı var” – deyə o bildirib.
