Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Əgər kəndli torpağını becərə bilmirsə...

© Photo : UNECAzərbaycan Dövlət İqtisad Universitetinin Beynəlxalq İqtisadiyyat kafedrasının dosenti Müslim İbrahimov
Azərbaycan Dövlət İqtisad Universitetinin Beynəlxalq İqtisadiyyat kafedrasının dosenti Müslim İbrahimov - Sputnik Azərbaycan
Abunə olmaq
İqtisadçı: “Kəndlilərin 90 faizdən çoxu torpaqlarını becərirlər”

Müslim İbrahimov: “Çoxları torpaqlardan öz şəxsi məvacibi üçün istifadə edir”
Yanvarın 1-dən qüvvəyə minən yeni tələblərə görə təyinatı üzrə istifadə edilən və ya irriqasiya, meliorasiya və digər aqrotexniki səbəblərdən təyinatı üzrə istifadə edilməsi mümkün olmayan kənd təsərrüfatı torpaqları üzrə torpaq vergisinin dərəcəsi 1 şərti bal üçün 0,06 manat müəyyən edilib. Digər kənd təsərrüfatı torpaq sahələrinin vergi dərəcəsi torpaq sahəsinin hər 100 kvadratmetrinə görə 2 manat müəyyən edilib.

Azərbaycan Dövlət İqtisad Universitetinin Beynəlxalq İqtisadiyyat kafedrasının dosenti Müslim İbrahimov deyir ki, bu qanun dəyişikliyi kəndlilərə təsir etməyəcək: “Kəndlilərin çoxu öz torpaqlarını becərirlər. Əgər becərə bilmirlərsə, onu başqalarına verirlər və ya istehsal kooperasiyası kimi torpaqları birləşdirib bunu edirlər. Bu qanunda söhbət o adamlardan gedir ki, kim torpağı alıb, özü isə ümumiyyətlə kənddə yaşamır və torpaqdan sadəcə investisiya kimi istifadə edir”.

“Kənd adamlarına bu qanun elə də təsir etməyəcək, çünki onların 90-99 faizi torpaqları becərirlər. Torpaqları becərmək üçün müəyyən vəsait də sərf etmək lazımdır. Vəsait olmadan isə nəsə becərmək böyük bir problemdir, ona görə ki, kredit götürsən belə, onu qaytarmaq məsələsi problemlidir. Bu səbəbdən çoxları torpaqlardan öz şəxsi nəvacibi üçün istifadə edir” — deyə o bildirib.

Xəbər lenti
0