Bahar Muradova: “Bunun yalnış olduğunu təstiqləmək onları oxşar aqibətdən qoruya bilər”
Fevralın 7-də Rusiya-İsrail bloqçusu Aleksandr Lapşin Azərbaycana gətirilib. Milli Məclisin vitse-spikeri Bahar Muradova deyir ki, onun törətdiyi əmələ uyğun aqibət gözləyir: “O, bunu əvvəlcədən düşünməli idi. Nəinki o, başqa ölkələrin, o cümlədən Azərbaycanın sərhəd qanunlarını, beynəlxalq hüququ nəzərə almadan, bu və ya digər maraqlar naminə öz ictimai-siyasi mövqeyindən sui-istifadə edən şəxslərin hər birini belə bir aqibət gözləməlidir”.
“Aleksandr Lapşinin Azərbaycana ekstradisiyası normaldır, burda qeyri-adi bir şey yoxdur. Bu sırf beynəlxalq hüquqla tənzimlənən prosedurlar çərçivəsində həyata keçirilib və beynəlxalq hüququn müəllifi təkcə Azərbaycan deyil, bütün dünya dövlətləridir” — deyə o bildirib.
