Professor hesab edir ki, Suriyada sülhün yaranması və davamlı olmasına böyük dövlətlər təminat verməlidir
“Əgər böyük dövlətlərin — Rusiya, ABŞ, İran və Türkiyənin əli Suriyanın üzərində olarsa, rejim və müxaliflər yenidən silaha sarılmaz və atəşkəs davam edər. Keçid hökuməti qurulandan sonra dərhal tərksilah prosesi başlamalıdır”. Bəşər Əsəddən sonrakı siyasi vəziyyəti təhlil edən tarix elmləri doktoru, professor Qabil Hüseynli belə deyib.
O, Suriya siyasi elitasına nəzarətin tamamilə Rusiyanın əlində olduğunu qeyd edib: “Moskva Dəməşq rejimini qorumaqda öz strateji maraqlarına uyğun olaraq düzgün addım atır. Xüsusilə, paytaxt Dəməşq və onun ətrafındakı əsas bölgələrə, həmçinin siyasi elitaya nəzarət tamamilə Rusiyanın əlindədir”.
