CƏMİYYƏT
Cəmiyyətin həyatında baş verən aktual hadisələr

Ekspert: “100 manatlıq cərimə kifayət qədər sərt qərardır”

© Sputnik / Murad OrujovNəqliyyat məsələləri üzrə ekspert Azər Allahverənov
Nəqliyyat məsələləri üzrə ekspert Azər Allahverənov - Sputnik Azərbaycan
Abunə olmaq
Azər Allahverənov: “Cərimə sanksiyalarına yox, maarifləndirmə işlərinə üstünlük verilməlidir”

Azər Allahverənov: “Ayrı-ayrı şəxslərlə söhbət etdikdə aydın olur ki, onlar yaxın məsafədə keçid olmadığından şikayətlənirlər”
Ötən ilin sonlarında yollardakı dəmir və beton arakəsmlərin üzərindən keçib yolun hərəkət hissəsinə çıxan piyadaların həbs olunması ilə bağlı Milli Məclisə göndərilən qanun layihəsi dəyişdirilib. Layihənin ilkin variantında beton və dəmir arakəsmələrin üzərindən tullanıb yolu keçənlərin 15 günədək inzibati həbs cəzası ilə cəzalandırılması təklif olunurdu. Lakin bu təklif məqbul sayılmadığı üçün başqa cərimənin tətbiq edilməsi təklif olunur. Belə ki, həmin qayda pozuntusuna görə piyadalar həbs olunmayacaqlar. Onlar 100 manat məbləğində cərimə ediləcəklər. Layihənin Milli Məclisə göndərildiyi və yaz sessiyasında müzakirə olunacağı gözlənilir.

Nəqliyyat üzrə ekspert Azər Allahverənov deyir ki, bu, kifayət qədər sərt qərardır: “Çünki bu kimi halları şərtləndirən hansısa amillər var. Ayrı-ayrı şəxslərlə söhbət etdikdə aydın olur ki, onlar yaxın məsafədə keçid olmadığından şikayətlənirlər. Ən yaxın piyada keçidi 3-4 kilometr məsafədədir. Sumqayıt yolu, Şamaxı yolu və bir neçə digər avtobanlarda bu xüsusilə müşahidə olunur”.

“Lakin subyektiv səbəblər də var. Piyada keçidi yaxın məsafədə olsa da, insanlar yolu bu formada keçməyə üstünlük verirlər. Təbii ki, bu, böyük təhlükələr yaradır. Qəzaların baş verməsi də bu kimi hallara görə ola bilər. Ona görə də baş verə biləcək hadisənin miqyası böyük olduğundan, daha sərt cərimə sanksiyasının tətbiq olunmasına üstünlük verilir. Amma hesab edirəm ki, cərimə sanksiyalarına yox, maarifləndirmə işlərinə üstünlük verilməlidir” — deyə o bildirib. Qeyd edək ki, hazırda İnzibati Xətalar Məcəlləsində piyadalara qarşı 4 maddə ilə inzibati protokol tərtib olunur. Onların da hər birinin cəriməsi 20 manatdır.

Xəbər lenti
0