Arzu Nağıyev: Bu, tək Azərbaycana deyil, bütün regiona təsir edir
Politoloq Arzu Nağıyev deyir ki, son vaxtlar İsrail və Azərbaycan arasındakı münasibətlər müsbət məcrada inkişaf edir: “Bildiyiniz kimi, əsas məqamlardan biri də hərbi məsələlərdir. İqtisadi və digər istiqamətlərdə də əməkdaşlıq davam edir. İsraillə Azərbaycan arasında silah-sursat müqaviləsi beş milyarda qədərdir. Aprel döyüşlərində İsrail silahlarından istifadə olunub. Həm İsrail silahlarının reklamı getdi, həm də gücümüzü ermənilər gördü”.
“Ölkəmizdə yəhudi icmasının təşkil etdiyi məktəbdə ivrit və Azərbaycan dilində mahnıların səsləndirilməsi ölkəmizin toleratlığını və multukultral dəyərlərini bir daha dünyaya göstərdi. Bu məqamdan İsrail də məmnundur. Eyni zamanda, son vaxtlar Azərbaycanın bir sıra dövlətlər arasında baş verən konfliktlərdə barışdırıcı rol oynaması İsrail-Fələstin qarşıdukrmasının aradan qaldırılmasında da mühüm rol oynaya dilər. Yəni, İsrail-Azərbaycan arasındakı münasibətlər çox doğru və müsbət istiqamətdə inkişaf edir. Bu münasibətlər təkcə Azərbaycana deyil, bütün regiona təsir edir”, — deyə o bildirib.
