Komitə sədrinin müavini: 1,2 milyondan artıq vətəndaş özəlləşdirmədən faydalanıb

© Photo : STRƏmlak Məsələləri Dövlət Komitəsinin sədr müavini Rafiq Cəlilov (mərkəzdə)
Əmlak Məsələləri Dövlət Komitəsinin sədr müavini Rafiq Cəlilov (mərkəzdə) - Sputnik Azərbaycan
Abunə olmaq
Rafiq Cəlilov: Özəlləşdirilmiş müəssisələrdə 300 mindən çox yeni iş yeri yaradılıb

Rafiq Cəlilov: ÜDM-da özəl sektorun payı 84 faizə çatdırıb
Əmlak Məsələləri Dövlət Komitəsinin sədr müavini Rafiq Cəlilov deyir ki, Azərbaycanda özəlləşdirmə 1995-ci ildə 1-ci Dövlət Proqramının qəbulu ilə başlanıb: “1-ci Dövlət Proqramı özəlləşdirmənin, əsasən, iki istiqamətdə aparılmasını nəzərdə tuturdu: kiçik müəssisələrin özəlləşdirilməsi və orta və iri müəssisələrin özəlləşdirilməsi. Proqrama əsasən, kiçik müəssisələrin özəlləşdirilməsi onların pul hərraclarında satılması, orta və iri müəssisələrin özəlləşdirilməsi isə onların səhmdar cəmiyyətlərinə çevrilməsi və səhmlərinin ixtisaslaşdırılmış çek hərracları vasitəsilə satışı yolu ilə həyata keçirilirdi”.

“Dövlət əmlakının özəlləşdirilməsi prosesində indiyədək sənaye, ticarət, nəqliyyat, rabitə və digər xidmət sahələrində 47 minə yaxın kiçik dövlət müəssisə və obyekti, qeyri-yaşayış sahəsi, yarımçıq tikili və nəqliyyat vasitəsi xüsusi mülkiyyətə verilmiş, 1600-ə yaxın orta və iri müəssisə səhmdar cəmiyyətlərinə  çevrilmiş və onların səhmləri özəlləşdirilmişdir”, — deyə Rafiq Cəlilov bildirib.

Onun sözlərinə görə, özəlləşdirilmə prosesində 250 mindən çox adam səhm sahibi olmuş, 520 min nəfərdən çox insanı əhatə edən mülkiyyətçilər təbəqəsi formalaşmışdır. Ümumilikdə, 1,2 milyondan artıq vətəndaş özəlləşdirmədən bu və ya digər formada faydalanmışdır. Yerli investorlarla yanaşı, xarici investorların da iştirak etdikləri təkcə investisiya müsabiqələri vasitəsilə özəlləşdirmə nəticəsində ölkə iqtisadiyyatına təxminən 1,1 milyard ABŞ dolları məbləğində investisiyalar yatırılmış, istehsalın həcmi isə 1,5 milyard manat artmışdır. O həmçinin qeyd edib ki, Azərbaycanda mövcud olan mümbit biznes mühiti ölkənin ÜDM-ində özəl sektorun payını 84 faizə çatdırmışdır.

Xəbər lenti
0