Sergey Fyodorov: Miqrantların böyük hissəsi Fransa rayonlarına köçürüləcək
Qanunsuz miqrantların Avropada ən böyük düşərgəsi sökülür. Bu səbəbdən, Fransa hakimiyyəti xüsusi yaradımış mərkəzlərə 8 minədək miqrant köçürməlidir. Rusiya Elmlər Akademiyasının Avropa İnstitutunun aparıcı elmi işçisi Sergey Fyodorovun sözlərinə görə, bu addımın siyasi səbəbləri də var: “Mən bu sərt yanaşmanı Fransada başlayan prezident kampaniyası ilə bağlayardım. Ollandın reytinqi yetərincə aşağıdır. Hökumət bu mövzuda sərt mövqe göstərib vəziyyəti düzəltməzsə, bu, prezident və hakimiyyətin reytinqini daha da aşağı salacaq”.
“Çox güman ki, miqrantların böyük bir hissəsi Fransanın müxtəlif rayonlarına köçürüləcək. Bu, yerli əhalinin narazılığını müəyyən dərəcədə azaldacaq, lakin problemi uzunmüddətli perspektivdə həll etməyəcək”, — o bildirib.
