SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Əfqanıstan prezidenti Azərbaycanı böyük Qələbə münasibətilə təbrik etdi

© AR Ministry of Foreign Affairs Azərbaycan XİN başçısı və Əfqanıstan Prezidenti arasında görüş
Azərbaycan XİN başçısı və Əfqanıstan Prezidenti arasında görüş - Sputnik Azərbaycan, 1920, 30.03.2021
Abunə olmaq
Nazir Azərbaycanın işğaldan azad edilmiş ərazilərində həyata keçirilən yenidənqurma və bərpa işlərindən bəhs edərək, yaxın gələcəkdə həyatın bu ərazilərə geri qayıdacağını vurğulayıb.

BAKI, 30 mart — Sputnik. Tacikistanın paytaxtı Düşənbə şəhərində keçirilən "Asiyanın ürəyi - İstanbul prosesi" 9-cu Nazirlər Konfransı çərçivəsində Azərbaycanın xarici işlər naziri Ceyhun Bayramov Əfqanistan Prezidenti Məhəmməd Əşrəf Qəni ilə görüşüb.

Bu barədə Sputnik Azərbaycan-a Azərbaycan Xarici İşlər Nazirliyindən məlumat verilib.

Əfqanistan prezidenti Azərbaycanı böyük Qələbə münasibətilə təbrik edərək, bu zəfərin beynəlxalq hüququn qalibiyyəti olduğunu vurğulayıb. Bu xüsusda, Məhəmməd Əşrəf Qəni Azərbaycan Prezidenti İlham Əliyevə xüsusi təbriklərini çatdırıb.

Министр иностранных дел Азербайджана Джейхун Байрамов - Sputnik Azərbaycan, 1920, 30.03.2021
Ceyhun Bayramov: "Azərbaycan Əfqanıstanın ərazi bütövlüyünü dəstəkləyir"

Prezident Məhəmməd Əşrəf Qəni Azərbaycanın işğaldan azad edilmiş ərazilərində törədilmiş dağıntıların miqyasından xəbərdar olduğunu və bunun təəssüf doğurduğunu qeyd edib.

C.Bayramov Əfqanistan prezidentinə təşəkkürünü bildirərək, Azərbaycan Prezidenti İlham Əliyevin səmimi salamlarını qarşı tərəfin diqqətinə çatdırıb.

Nazir Azərbaycanın işğaldan azad edilmiş ərazilərində həyata keçirilən yenidənqurma və bərpa işlərindən bəhs edərək, yaxın gələcəkdə həyatın bu ərazilərə geri qayıdacağını vurğulayıb.

Tərəflər Azərbaycan və Əfqanistan arasında ikitərəfli münasibətlərin inkişafını məmnunluqla qeyd ediblər. ASAN xidmətin Əfqanıstanda fəaliyyətə başlaması və gələcəkdə bu xidmətin daha geniş sahələri əhatə etməsi niyyəti, ADA Universitetində gənc əfqan diplomatlar üçün təlimlərin davam etdirilməsi, habelə Lapis-Lazuli beynəlxalq nəqliyyat dəhlizinin əhəmiyyəti kimi mövzular ətrafında fikir mübadiləsi aparılıb.

 

Xəbər lenti
0