07:51 27 Oktyabr 2020
Canlı yayım
  • USD1.7000
  • RUB0.0274
  • EUR1.9035
SİYASƏT
Qısa URL
Azərbaycan və Ermənistan arasında müharibə (741)
22202

Hikmət Hacıyev Ermənistanın bu əməlini mülki əhaliyə qarşı vandalizm və barbarlıq siyasətinin davamı, xalqımıza qarşı növbəti soyqırım aktı adlandırıb

BAKI, 11 oktyabr — Sputnik. Ermənistan silahlı qüvvələrinin 11.10.2020-ci il tarixdə gecə saat 2 radələrində cəbhə zonasından kənarda yerləşən, Azərbaycan Respublikasının ikinci böyük şəhəri olan Gəncənin mərkəzi hissəsində yerləşən çoxmənzilli yaşayış binalarını raket atəşinə tutması nəticəsində 4-ü qadın olmaqla, 9 nəfər həlak olub.

Sputnik Azərbaycan bildirir ki, bu barədə Azərbaycan Respublikası Baş Prokurorluğunun məlumatında deyilir.

Qeyd edək ki, Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Ermənistanın bu əməlini mülki əhaliyə qarşı vandalizm və barbarlıq siyasətinin davamı, xalqımıza qarşı növbəti soyqırım aktı adlandırıb.

Sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlardan, minaatanlardan və müxtəlif çaplı artilleriya qurğularından intensiv atəşə tutub.

Ermənistan silahlı birləşmələrinin hərbi fəallığının qarşısını almaq və dinc əhalinin təhlükəsizliyini təmin etmək məqsədilə Azərbaycan Ordusunun komandanlığı qoşunların cəbhə boyu əks-hücum əməliyyatına başlayıb.

10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Azərbaycan Respublikası və Ermənistan Respublikası ATƏT-in Minsk Qrupunun həmsədrlərinin vasitəçiliyi ilə tənzimlənmənin əsas prinsipləri əsasında münaqişənin tezliklə sülh yolu ilə həlli məqsədilə substantiv danışıqlara başlayacaqlar.

Tərəflər danışıqlar formatının dəyişilməzliyini təsdiq ediblər.

Mövzu:
Azərbaycan və Ermənistan arasında müharibə (741)

Əlaqədar

Ermənistan Azərbaycan xalqına qarşı soyqırım törədir - Hikmət Hacıyev
Xarici media nümayəndələri Ermənistanın yalanlarını ifşa edirlər - Baş Prokurorluq
Ermənilər öz əsgərlərinin cəsədlərini yığan tibb işçisini yaraladılar
Yaralanmış şəhər: Gəncədə dağıdılmış evdən fotoreportaj
Ermənistanın raket hücumundan sonra Gəncədə son vəziyyət - video
Teqlər:
erməni təxribatı, raket zərbələri, ölənlər və yaralılar, dinc sakinlər, yaşayış evləri, Gəncə

Əsas mövzular