SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Zakir Həsənov NATO admiralı ilə görüşüb - FOTO

© Sputnik / Murad OrujovMüdafiə naziri, general-polkovnik Zakir Həsənov
Müdafiə naziri, general-polkovnik Zakir Həsənov - Sputnik Azərbaycan
Abunə olmaq
Müdafiə naziri Azərbaycanın NATO ilə tərəfdaşlıq əlaqələrinin çoxşaxəli olduğunu və bu tərəfdaşlığın daim inkişaf etdirilməsinə böyük önəm verildiyini bildirib

BAKI, 16 oktyabr — Sputnik. Müdafiə naziri general-polkovnik Zakir Həsənov Azərbaycanda “NATO günləri” çərçivəsində səfərdə olan Alyansın Müttəfiq Qüvvələrin Avropadakı Ali Baş Qərargahında (SHAPE) Tərəfdaşlıq İdarəsinin rəisi kontr-admiral Bülent Turanın rəhbərlik etdiyi nümayəndə heyəti ilə görüşüb.

© AR Ministry of DefenseMüdafiə naziri Zakir Həsənov NATO/SHAPE Tərəfdaşlıq İdarəsinin rəisi Bülent Turanla görüşüb
Zakir Həsənov NATO admiralı ilə görüşüb - FOTO - Sputnik Azərbaycan
Müdafiə naziri Zakir Həsənov NATO/SHAPE Tərəfdaşlıq İdarəsinin rəisi Bülent Turanla görüşüb

Müdafiə Nazirliyinin Mətbuat xidmətindən Sputnik Azərbaycan-a verilən məlumata görə, Müdafiə naziri Azərbaycanın NATO ilə tərəfdaşlıq əlaqələrinin çoxşaxəli olduğunu və bu tərəfdaşlığın daim inkişaf etdirilməsinə böyük önəm verildiyini bildirib.

Müdafiə naziri NATO-nun ölkəmizin ərazi bütövlüyünə və suverenliyinə verdiyi siyasi dəstəyi xatırladaraq bunun ümumilikdə Avroatlantik məkanda təhlükəsizliyin möhkəmlənməsinə, eləcə də regional sülhə və sabitliyə xidmət etdiyini nəzərə çatdırıb.

© AR Ministry of DefenseMüdafiə naziri Zakir Həsənov NATO/SHAPE Tərəfdaşlıq İdarəsinin rəisi Bülent Turanla görüşüb
Zakir Həsənov NATO admiralı ilə görüşüb - FOTO - Sputnik Azərbaycan
Müdafiə naziri Zakir Həsənov NATO/SHAPE Tərəfdaşlıq İdarəsinin rəisi Bülent Turanla görüşüb

Kontr-admiral B.Turan də öz növbəsində Azərbaycan-NATO əlaqələrini yüksək qiymətləndirərək sülhməramlılarımızın Əfqanıstanda keçirilən əməliyyatlar çərçivəsində beynəlxalq təhlükəsizliyə verdiyi töhfəni, Alyansın bir çox proqramlarında Azərbaycan hərbçilərinin fəal iştirakını, habelə NATO-nun müxtəlif qərargahlarında xidmət edən zabitlərimizin hazırlığını xüsusi vurğulayıb. B.Turan həmçinin “NATO Günləri”nin ölkəmizdə yüksək səviyyədə təşkili və keçirilməsinə görə Müdafiə Nazirliyinin rəhbərliyinə minnətdarlığını bildirib.

Görüşdə Azərbaycan ilə NATO arasında həyata keçirilən əməkdaşlıq proqramları çərçivəsində əməliyyat hazırlığı, təlimlərin keçirilməsi, hərbi təhsilin inkişafı, qüvvələr arasında qarşılıqlı uzlaşmanın əldə olunması məsələləri müzakirə edilib, həmçinin əməkdaşlığın inkişaf perspektivləri və NATO-nun İraqda həyata keçirdiyi missiyaya ölkəmizin mümkün töhfəsi barədə ətraflı fikir mübadiləsi aparılıb.

Xəbər lenti
0