CƏMİYYƏT
Cəmiyyətin həyatında baş verən aktual hadisələr

MSK sədri: "İdeal seçici siyahısı tərtib etmək mümkün deyil"

© REPORTMəzahir Pənahov
Məzahir Pənahov - Sputnik Azərbaycan
Abunə olmaq
"Bilirsiniz ki, seçki vasitəsilə ölkələrə müdaxilə etməyə cəhd edirlər. Dünyada durduqca bu cür problemlər də olacaq, çəkinmək lazım deyil"

Eldar Tanrıverdiyev, Sputnik Azərbaycan

BAKI, 11 oktyabr - Sputnik. “Dairə seçki komissiyalarının sədrləri seçkilərin ölkə üçün nə dərəcədə önəmli olduğunu bilməlidirlər. Azərbaycanda siyasi sabitlik seçkilərin təhlükəsiz keçirilməsi üçün birinci göstəricidir”.

Yasamal rayon 17 saylı seçki məntəqəsi  - Sputnik Azərbaycan
SİYASƏT
Azərbaycanda yeni seçki məntəqələri yaradılır

Sputnik Azərbaycan xəbər verir ki, bunu Mərkəzi Seçki Komissiyasının (MSK) sədri Məzahir Pənahov dairə seçki komissiyalarının sədrləri üçün keçirilən seminar-müşavirədə bildirib.

MSK sədri qeyd edib ki, Azərbaycanda seçki sistemi Avropa standartlarına uyğunlaşdırılıb: “Seçki sistemi təkmilləşdirilib, zamanla qanunvericiliyə müvafiq dəyişikliklər edilir. Ölkədə seçkilərin təşkilində siyasi iradə ortada olub. Müəyyən qarşıdurmaya cəhdlər olub. Amma bunlara baxmayaraq nailiyyətlər əldə etmişik.

MSK-nın seçki işi ilə əlaqəli olan beynəlxalq qurumlarla əməkdaşlığı davam edir. Bəzi hallarda Azərbaycandakı seçki sistemini bəyənməyiblər, biz onlara izah etmişik, müzakirələr aparmışıq. Hazırda ucqar rayonlarda da səsvermənin həyata keçirilməsi üçün bütün şərait yaradılıb.

Bununla belə, arxayınlaşma olmamalıdır. Bilirsiniz ki, seçki vasitəsilə ölkələrə müdaxilə etməyə cəhd edirlər. Dünyada durduqca bu cür problemlər də olacaq, çəkinmək lazım deyil. Heç bir ölkədə seçkilər xoşagəlməz halların baş verməsindən sığortalanmayıb. Seminar-müşavirə keçiririk ki, xoşagəlməz halların sayı az olsun. Dünyanın heç bir yerində ideal seçici siyahısı tərtib etmək mümkün deyil”.

Xəbər lenti
0