QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Mnatsakanyandan gözlənilməz etiraf: Xankəndi və Yerevan arasında mübahisə var"

© Sputnik / Asatur YesayantsМинистр иностранных дел Армении Зограб Мнацаканян
Министр иностранных дел Армении Зограб Мнацаканян - Sputnik Azərbaycan
Abunə olmaq
Nazir "torpaqların verilməsi"nə dair iddiaları müzakirə etmək belə istəməyib

BAKI, 7 iyun — Sputnik. Ermənistan Xarici İşlər Naziri Zöhrab Mnatsakanyan jurnalistlərlə söhbət zamanı Ermənistan və Qarabağ separatçılarının rəhbərliyinin bir-birinə zidd bəyanatlarını şərh etməkdən imtina edib. Bu barədə "Azadlıq Radiosu"nun Ermənistan bürosu məlumat yayıb.

Nəşr yazır ki, Ermənistan Baş Naziri Nikol Paşinyan iddia edir ki, Dağlıq Qarabağ münaqişəsinin nizamlanmasına dair sənədləri şəxsən Dağlıq Qarabağ separatçılarının rəhbərliyinə təqdim edib. Paşinyan qeyd edib ki, ona qədər qondarma rəhbərlik danışıqların gedişi barədə məlumatsız olublar.

Bako Saakyan. Arxiv şəkli - Sputnik Azərbaycan
QARABAĞ
İxtilaf böyüyür - Qarşı tərəf Paşinyanın cavabını verdi

Bu arada separatçıların lideri Bako Saakyan Paşinyanı təkzib edərək qeyd edib ki, həm indi, həm də əvvəl də Azərbaycanla danışıqlara qədər və danışıqlardan sonra Ermənistan rəhbərliyi Qarabağ separatçılarını müzakirə olunan məsələlər barədə məlumatlandırıb.

Mnatsakanyan isə öz növbəsində səsləndirilən bəyanatları yenidən öyrənməyə ehtiyacın olduğunu əsas gətirərək onları şərh etməkdən imtina edib.

Paşinyan tərəfindən formalaşdırılan "Qarabağ rəhbərliyi tərəfindən sui-qəsd müharibəsinin qızışdırılması təhlükəsi" fikrinə cavab olaraq Mnatsakanyan deyib: "Mən səhv etməməyi məsləhət görərdim. Bizim aramızda müəyyən məsələlər, fikir ayrılıqları, mübahisələr, çox şeylər var – bizim cəmiyyətimiz belədir. Lakin biz birik".

Mnatsakanyan Paşinyan tərəfindən "torpaqların verilməsi"nə dair iddiaları müzakirə etmək istəməyib: "Siz rəhbərliyin Ermənistan, erməni xalqı və "Dağlıq Qarabağ"ın maraqlarına cavab verməyən hər hansı bir hərəkətini necə təsəvvür edirsiniz? Belə bir şey ola bilməz. Digər şeylər, torpaqların satılmasına dair məsələlər ümumiyyətlə müzakirə predmeti deyil".

Xəbər lenti
0