12:03 18 İyun 2019
Canlı yayım
  • USD1.7000
  • RUB0.0264
  • EUR1.9097
Ağstafa rayonu ərazisindəki Keşikçidağ mağaralar kompleksi

Keşikçidağla bağlı kritik görüş yaxınlaşır

© Sputnik / Ilham Mustafa
SİYASƏT
Qısa URL
25 0 0

İclas cari ilin 23-24 may tarixlərində baş tutacaq

BAKI, 22 may — Sputnik. Azərbaycan Respublikasının Xarici İşlər nazirinin müavini Xələf Xələfov ilə Gürcüstan Xarici İşlər nazirinin müavini Laşa Darsaliyanın rəhbərliyi ilə Azərbaycan ilə Gürcüstan arasında dövlət sərhədlərinin delimitasiyası ilə bağlı Komissiyanın növbəti iclası Bakı şəhərində keçiriləcək. 

Bu barədə Sputnik Azərbaycan-a Xarici İşlər Nazirliyinin (XİN) mətbuat xidmətindən məlumat verilib. Məlumata görə, iclas cari ilin 23-24 may tarixlərində baş tutacaq.

Qeyd edək ki, Komissiyanın Azərbaycan və Gürcüstan tərəfdən həmsədrləri - Xarici İşlər nazirlərinin müavinləri Xələf Xələfov və Laşa Darsalia arasında tanışlıq xarakterli görüş mayın 14-də Bakıda keçirilib.

Xatırladaq ki, aprelin 25-i Azərbaycan Respublikası Xarici İşlər Nazirliyinin mətbuat katibi Leyla Abdullayeva Keşikçidağ monastır kompleksinə girişin məhdudlaşdırılması barədə Gürcüstan mediasında məlumatın yayılmasına münasibət bildirib.

"Xatırlatmaq istərdim ki, Keşikçidağ (David Qareci) monastır kompleksi Azərbaycan-Gürcüstan dövlət sərhədinin keçdiyi təpələr sırası boyunca, təxminən, 25 kilometr məsafədə səpələnmiş bir çox tarixi, memarlıq və dini obyektlərdən ibarətdir və həmin kompleks təpələr sırası ilə iki hissəyə bölünür. Azərbaycanla Gürcüstan arasında dövlət sərhədinin delimitasiyası beynəlxalq təcrübədə tətbiq edilən qaydalara uyğun olaraq, qarşılıqlı əlaqələndirmə prosedurları əsasında mövcud ikitərəfli formatlar çərçivəsində həll olunur. Azərbaycan həmişə Azərbaycan-Gürcüstan sərhədinin tezliklə delimitasiya olunmasının tərəfdarı olub. Azərbaycan bu prosesi ən qısa müddət ərzində başa çatdırmağa hazırdır" - Abdullayeva vurğulayıb.

Əlaqədar

Gürcüstan Patriarxlığından Keşikçidağ olayına ilginc reaksiya: Gərginlik olmasın, amma...
Gürcüstan Baş Nazirindən "Keşikçidağ" açıqlaması: “Azərbaycanla çox çətin olacaq”
"Yatmış" Keşikçidağ: Niyə "Müqəddəs Giorgi" bayramını qonşular Azərbaycanda keçirir
“Keşikçidağ” məsələsində ilk addım – Məmmədyarov Zalkaliani ilə görüşdü

Əsas mövzular