09:28 20 Oktyabr 2018
Canlı yayım
  • RUB0.0259
  • USD1.7000
  • EUR1.9479
Azərbaycan Prezidentinin İctimai-siyasi məsələlər üzrə köməkçisi Əli Həsənov

"Onlar ayrı-ayrı ölkələrdə hakimiyyət çevrilişlərini stimullaşdırırlar"

© Foto : TREND
SİYASƏT
Qısa URL
3101

Əli Həsənov: "Biz fəxrlə deyə bilərik ki, əsrlərə tolerantlığın hökm sürdüyü Azərbaycan cəmiyyəti bu mənfi meylləri inkar edir"

BAKI, 22 iyul — Sputnik. "Qlobal informasiya məkanına nəzarət meylləri güclənir, müxtəlif xarici dairələr transmilli media resursları vasitəsilə bütün dünyaya öz baxışlarını təlqin etməyə, insanları müəyyən maraqlar çərçivəsində istiqamətləndirməyə çalışırlar və əfsus ki, müəyyən mənada buna nail olurlar".

Sputnik xəbər verir ki, bu fikirləri Azərbaycan Prezidentinin İctimai-siyasi məsələlər üzrə köməkçisi Əli Həsənov, Milli Mətbuat Gününə həsr olunmuş tədbirdə səsləndirib: "Ayrı-ayrı ölkələrdə sabitliyin pozulması, vətəndaş qarşıdurmaları, sosial fəlakət və bu kimi digər neqativ hallar artıq günümüzün reallığına çevrilib".

"Bu gün biz özlərini demokratiya nümunəsi kimi təqdim edən ölkələrdə ayrı-ayrı irqlərin, xalqların və dinlərin nümayəndələrinə qarşı dözümsüzlüyün geniş vüsət aldığını, multikultural dəyərlərdən, tolerantlıqdan geriyə dönüşü müşahidə edirik. Transmilli media isə ayrı-ayrı dairələrin maraq savaşına dəstək verir, müxtəlif ölkələrin daxili işlərinə müdaxilə, hakimiyyət çevrilişləri, vətəndaş qarşıdurmasını stimullaşdırır. Lakin fəxrlə deyə bilərik ki, əsrlərə tolerantlığın hökm sürdüyü Azərbaycan cəmiyyəti bu mənfi meylləri inkar edir", — Prezidentin köməkçisi vurğulayıb.

Onun sözlərinə görə, bir çox ölkələrdən fərqli olaraq, Azərbaycan ayrı-ayrı xalqların, etnik qrupların, dinlərin qarşılıqlı dözümlülük deyil, qarşılıqlı ehtiram və hörmətin qorunduğu məkandır: "Azərbaycan multikultural dəyərləri təşviq etməklə bütün dünyaya bir daha göstərir ki, dinindən və milli mənsubiyyətindən asılı olmayaraq, bütün insanlar bir ölkədə, eyni torpaqda firavan, dostluq və qardaşlıq mühitində yaşaya bilərlər. Əlbəttə, burada Azərbaycan mediasının oynadığı rolu, cəmiyyətimizdə harmoniyanın güclənməsi üçün verdiyi töhfələri qeyd etməmək mümkün deyildir. Hesab edirəm ki, bu da Azərbaycan mediasının Azərbaycan Prezidentinin çağırışına cavabı, "Əkinçi" ənənələrinə sadiqliyinin təzahürüdür".

Ə.Həsənov qeyd edib ki, bu gün qlobal informasiya məkanında Azərbaycan mediasının uğuru həm də Azərbaycan xalqının uğurudur: "Bu gün Azərbaycanı dünyaya bütün möhtəşəmliyi, müasirliyi, tolerant mühiti ilə təqdim edən jurnalistin imzası həm də Azərbaycan xalqının imzasıdır. Hər bir jurnalist sözü vicdanla, öz xalqını, dövlətini düşünərək deməlidir, milli maraqlarımızı müdafiə etməyi bacarmalıdır, əsrlər boyu uğrunda mübarizə apardığımız və bu gün fəxrlə yaşadığımız Azərbaycan dövlətini təbliğ etməli və qorumalıdır".

""Əkinçi" qəzeti və ondan sonrakı mətbuatımız, Həsən bəy Zərdabi və onun çoxsaylı ardıclıları bu amallarla yaşayıb və mənalı ömürlərini azərbaycançılıq və müstəqillik ideyasına, öz xalqının rifahına həsr ediblər. Düşünürəm ki, Azərbaycan jurnalistikası daim bu yolla getməli və öz ənənəsinə, tarixinə sadiq qalmalıdır. Əmin ola bilərsiniz ki, Azərbaycan dövləti də həmişə sizin yanınızda olacaq, sizin qayğılarınızı qarşılayacaqdır", — PA rəsmisi əlavə edib.

Əlaqədar

Əli Həsənov: Erməni tərəfi bu dəfə də təxribata əl atdı
Əli Həsənov: 2015-ci ildə Azərbaycan uğurlu inkişafını davam etdirib
"Rusiyada hakimiyyətə yaxın mətbuat orqanları anti-Azərbaycan təbliğatı aparır"
"Hakimiyyətin bu addımı Qərbdə Azərbaycana qarşı aqressiyanı azaldır"
Nardaran sakinləri hakimiyyətə sülh çağırışı ediblər
Teqlər:
Milli Mətbuat Günü, Əli Həsənov, Azərbaycan Prezidenti, KİV, transmilli media resursları, informasiya məkanı

Əsas mövzular