18:31 29 Noyabr 2020
Canlı yayım
  • USD1.7000
  • RUB0.0274
  • EUR1.9035
SİYASƏT
Qısa URL
21601

Hikmət Hacıyev: "Azərbaycan tərəfi danışıqlarda irəliləyiş və Azərbaycan ərazilərinin işğaldan azad edilməsi ilə nəticələnəcək substantiv danışıqlara və bu əsasda nəticəyönümlü görüşlərə hazır olduğunu həmişə bildirib"

BAKI, 5 may — Sputnik. "Rusiya xarici işlər naziri Sergey Lavrovun Ermənistanın Azərbaycanın işğal olunmuş ərazilərində yaradılmış qondarma rejimin tanınması baradə qanun layihəsinin müzakirəyə çıxarılmasından təşvişə düşmək üçün əsasın olmadığı haqqında açıqlamasını bölüşür və təqdir edirik".

Sputnik xəbər verir ki, bunu Azərbaycan Xarici İşlər Nazirliyi (XİN) mətbuat xidmətinin rəhbəri Hikmət Hacıyev deyib. "Azərbaycan tərəfi danışıqlarda irəliləyiş və Azərbaycan ərazilərinin işğaldan azad edilməsi ilə nəticələnəcək substantiv danışıqlara və bu əsasda nəticəyönümlü görüşlərə hazır olduğunu həmişə bildirib", — nazirlik sözçüsü bildirib.

Onun sözlərinə görə, qoşunların təmas xətti boyunca atəşkəsin pozulmasından əziyyət çəkən bu əraziyə yaxın məskunlaşmış mülki Azərbaycan əhalisidir: "Ermənistanın Azərbaycan əhalisinə qarşı apardığı etnik təmizləmə nəticəsində işğal olunmuş ərazilərdə təmas xəttinin Ermənistanın nəzarətində olan hissəsində mülki əhali yoxdur. Atəşkəsin pozuntusunun qarşısının alınması və ya insidentlərin araşdırılması mexanizminin yaradılması Ermənistan qoşunlarının işğal olunmuş Azərbaycan ərazilərindən çıxarılması prosesinin tərkib hissəsi olmalıdır".

"Münaqişənin həllinə dair yol xəritəsi məlumdur. Ermənistan özü də bunu çox yaxşı bilir ki, münaqişənin həlli prosesi çərçivəsində Ermənistan qoşunlarının işğal olunmuş Azərbaycan ərazilərindən çıxarılması təmin olunmalıdır", — H. Hacıyev əlavə edib.

XİN rəsmisi sonda qeyd edib ki, ATƏT-in MQ-nin həmsədrlərinin Ermənistan rəhbərliyini sülhə və konstruktiv əsasda danışıqlar prosesinə gətirməsinə ehtiyac var.

Əlaqədar

Lavrov: Qarabağ münaqişəsi ilə bağlı yaxın vaxtlarda görüş planlaşdırılır
Sergey Lavrov və Con Kerri yenidən Dağlıq Qarabağdakı vəziyyəti müzakirə ediblər
Lavrovla Kerri Qarabağ münaqişəsini müzakirə ediblər
Sergey Lavrovun Ermənistana səfərinin səbəbi bəlli oldu
Sergey Lavrov: Danışıqlar masasında bir neçə variant qalır
Lavrov: Bütün tərəflər Dağlıq Qarabağda atəşin bərpa olunmaması üçün səylər göstərirlər
Teqlər:
işğal olunmuş ərazilər, Dağlıq Qarabağ, Ermənistan, Sergey Lavrov, Rusiya, Azərbaycan

Əsas mövzular