SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Azərbaycan - Avropa Şurası münasibətləri: uğur və nöqsanlarımız

© Sputnik / Vladimir Fedorenko / Mediabanka keçidДворец Европы в Страсбурге, где проходят заседания ПАСЕ
Дворец Европы в Страсбурге, где проходят заседания ПАСЕ - Sputnik Azərbaycan
Abunə olmaq
Ölkəmizin Avropa Şurasına tamhüquqlu üzv olmasından 15 il keçir. Bu müddətdə ölkəmiz quruma üzvlükdən nə qazandı, nə qazana bilmədi?

Avropa Şurası və Azərbaycan: müsbətləri, mənfiləri
BAKI, 25 yan — Sputnik. Azərbaycanla Avropa Şurası arasında əlaqələrin tarixi 1992-ci ildən başlayıb, belə ki, 24 yanvar 1992-ci ildə Azərbaycan Respublikasının Parlamenti «xüsusi dəvət edilmiş qonaq» statusu almaq üçün Avropa Şurasına müraciət etdi. 1994-cü il noyabrın 10-da Avropa Şurası Parlament Assambleyası (AŞPA) Azərbaycan-Ermənistan cəbhəsində atəşkəsin əldə edilməsi ilə bağlı məmnunluq hisslərinin ifadə olunduğu 1047 saylı qətnamə qəbul etdi.
AŞPA-nın qış sessiyası. Arxiv şəkli - Sputnik Azərbaycan
QARABAĞ
Sabah AŞPA-da Azərbaycanla bağlı tarixi qərar verilə bilər
Azərbaycanın AŞPA-na qəbul olunması ölkədə demokratik düşüncənin möhkəmlənməsinə səbəb oldu. Lakin Dağlıq Qarabağ münaqişəsində Azərbaycanın haqq səsinin dünyaya çatdırılmasında AŞPA ortaya konkret bir mövqe qoya bilməyib.

Politoloq Fikrət Sadıxov "Sputnik"ə açıqlamasında bildirib ki, Azərbaycanın Avropa Şurasına üzv olması müsbət haldır və bunu heç vaxt unutmaq olmaz: "Avropa Şurasına bizim daxil olmağımız normal müsbət bir haldır. Çünki biz özümüz könüllü şəkildə bunu istəmişik. Burda müxtəlif qüvvələr var. Biz görürük ki, Azərbaycana qarşı çıxan qüvvələr də az deyil. Amma eyni zamanda, Azərbaycan tərəfini saxlayan, maraqlarını müdafiə edən, reallığı nəzərə alaraq həqiqəti deyən qüvvələr kifayət qədərdir. Bu da sirr deyil ki, bir neçə il ərzində Azərbaycanın xeyirinə bir neçə qətnamə qəbul olunub — Dağlıq Qarabağla bağlı bizim maraqlarımızı müdafiə edə edən bir qətnamə. Bu reallıqdır, biz bunu unutmamalıyıq".

Lakin buna baxmayaraq, qəbul olunan qətnamələr problemi tam həll etmir. Fikrət Sadıxov hesab edir ki, bu məsələdə qərəzli məqamlar da var: "Burada qərəzli fikirlər də səslənir. Müxtəlif siyasətçilər, parlament üzvləri Azərbaycana qarşı çıxış edir, ədalətsiz, qərəzli ifadələr işlədir. Hətta bir sıra hallarda ermənipərəst qüvvələrin təhriki ilə bağlı bizə qarşı açıq şəkildə siyasi döyüşlər də gedir. Biz təbii ki, onun cavabını veririk, borclu qalmırıq".

Politoloq Zərdüşt Əlizadə isə təmamilə əksini düşünür. Onun sözlərinə görə isə, Azərbaycanın Avropa Şurasına üzv olması xalqımıza heç nə qazandırmayıb:

Rusiya Dövlət Duması - Sputnik Azərbaycan
Rusiya AŞPA-nın qış sessiyasını boykot etdi
"Avropa Şurası Avropada demokratik dövlətlərin bir klubudur. Demək olar ki, bütün Avropa dövlətləri onun üzvüdür. Azərbaycan hakimiyyəti və cəmiyyəti özünü bu demokratik dövlətlər klubunda üzv görməklə hesab edirdi ki, biz artıq mədəni Avropaya mənsubuq. O zaman Heydər Əliyev prezident idi. O, çalışırdı ki, hakimiyyət və dövlətimiz Avropa Şurasının tələblərinə cavab versin. Avropa Şurasında cıdır meydanıdır — Ermənistan öz xəttinin təbliğatını, Azərbaycan isə öz təbliğatını aparır".

"Bunun Qarabağın işğalına və ya Qarabağın azad olunmasına çox cüzi təsiri təsiri var. Mən düşünmürəm ki, xalqımız nəsə əldə etdi. Azərbaycanın gerçəkliyi onun həyatına Avropada baş verən hansısa hadisələrdən daha çox təsir edir", —deyə politoloq bildirdi.

Qeyd edək ki, 17 yanvar 2001-ci iltarixində Avropa Şurası Nazirlər Komitəsi Azərbaycanın təşkilata tamhüquqlu üzv qəbul olunması haqqında qərar qəbul edib. Yanvarın 25-i isə Azərbaycan Avropa Şurasına tamhüquqlu üzv olub. Strasburqda, Avropa Şurasının mənzil-qərargahının qarşısındakı flaqştoka Azərbaycanın bayrağı qaldırılıb. Mərasimdə Azərbaycanın o zamankı prezidenti Heydər Əliyev iştirak edib.

Xəbər lenti
0