19:20 26 Sentyabr 2021
Canlı yayım
  • USD1.7000
  • EUR1.9961
  • RUB0.0234
© Sputnik / Murad Orujov
Şagirdlər Bakıda 49 №li "İntellekt" məktəb-liseydə təşkil edilən "Yay məktəbi"ndə.

Təhsil Nazirliyi bir il ərzində pandemiya səbəbindən tədris prosesində yaranan boşluqları aradan qaldırmaq üçün orta ümumtəhsil məktəblərində "Yay məktəb"ləri təşkil edib.

 

İyunun 16-dan ödənişsiz və könüllü əsaslarla təşkil olunan "Yay məktəb"ləri 2 həftə müddətində davam edəcək. "Yay məktəbi"ndə ümumi təhsil müəssisələrinin I-X sinif şagirdləri iştirak edirlər. I-IV siniflərdə tədris həftədə 5 dəfə gündəlik 4 saat olmaqla, V-X siniflərdə isə həftədə 5 dəfə gündəlik 3-4 saat olmaqla təşkil olunur. I-IV siniflərdə məşğələlər tədris dili, riyaziyyat, xarici dil fənləri üzrə keçirilir. V-X siniflərdə isə tədris dili, riyaziyyat, xarici dil fənləri və ümumi təhsil müəssisəsinin rəhbərliyinin qərarı ilə digər 3 fənn üzrə məşğələlər təşkil olunur. "Yay məktəb" ləri iyunun 30-da başa çatır.

Onu da qeyd edək ki, Təhsil Nazirliyi "Yay məktəbi"inin təşkil edilməsi ilə bağlı sorğu keçirib. Bu sorğuda iştirak edən respondentlərin 44%-i təşəbbüsə müsbət rəy bildirib. Hazırda Bakı Şəhəri üzrə Təhsil İdarəsinin tabeliyindəki 308 ümumi təhsil müəssisəsində "Yay məktəbi" keçirilir.

Sputnik Azərbaycan-n həmin məktəblərdən birində, Bakı şəhəri 49 №-li "İntellekt" məktəb-liseydə "Yay məktəb"inin necə təşkil edildiyini izləyib.

Digər fotolentlər

Əsas mövzular