Vaşinqtonu son prezident seçkisinin nəticələri ilə bağlı iğtişaşlar bürüyüb. Çərşənbə günü, yanvarın 6-da ABŞ Konqresi səsvermənin nəticələrinin təsdqilənməsi proseduruna start verib. Hazırkı prezidenti Donald Trampın tərəfdarları onu dəstəkləmək üçün bir yerə toplaşaraq həmin vaxt iclasın keçirildiyi Konqres binasına hücum ediblər.
Etirazçılara qarşı gözyaşardıcı qazdan və işıq-səs qumbarasından istifadə edilib. Yerli KİV-in verdiyi məlumata görə, aksiyada Hərbi Hava Qüvvələrinin veteranı Eşli Bebbit hökumət binasında aldığı güllə yarasından ölüb. Kapitoli binası yaxınlığında daha üç ölüm hadisəsinin baş verdiyi bildirilir.
Bir qədər bundan əvvəl Kolumbiya bölgəsinin polis rəisi Robert Konti aksiyalarda yerli vaxtla saat 18:00-dan etibarən qüvvədə olan komendant saatını pozan 52 nəfərin həbs olunduğunu bəyan etmişdi.
Qeyd edək ki, son səsvermənin nəticələrinə əsasən, demokratların lideri Co Bayden prezident seçilsə də, hazırkı prezident Donald Tramp məğlubiyyətini qəbul etmir. Ancaq bir neçə dəqiqə əvvəl ABŞ Konqresi nəhayət, Demokrat partiyasının nümayəndəsi Co Baydenin prezident seçkisində qalib gəldiyini təsdiqlədi.
