Azərbaycanda koronavirusla mübarizə çərçivəsində tətbiq olunan xüsusi karantin rejiminin əsas bəndlərindən biri yaşı 65-dən yuxarı olan şəxslərə evdən çıxmaq qadağasıdır.
Həmin şəxslərin risk qrupunda olmasını nəzərə alan Nazirlər Kabinetinin nəzdindəki Operativ Qərargah belə tədbirə əl atmalı olub. Amma ortaya sual çıxır: ərzaq alınmasını, kommunal və bank xidmətlərinin ödənilməsini üzərinə götürən yaxın qohumları olmayan, ümumiyyətlə evdə heç bir iş görə bilməyən şəxslər nə etməlidir? Onların köməyinə isə DOST mərkəzinin könüllüləri gəlir.
DOST mərkəzinin “DOST könüllüləri” proqramında iştirak edən könüllülər bir zənglə yaşlı adamların evinə gələrək, onlara kömək
edirlər. Kömək almaq üçün isə 142 qaynar xəttinə zəng edərək qeydiyyatdan keçmək lazımdır. Karantin rejimi başlayandan bu yana könüllülər mindən çox yaşlı adama kömək ediblər.
