Türkiyə Silahlı Qüvvələrinin "Türk ulduzları" və "SOLOTÜRK" pilotaj qruplarının F-16 və F-15 təyyarələrində göstərdikləri aviaşou Azərbaycan Silahlı Qüvvələrinin yaradılmasının 100 illiyini həsr edilmiş hərbi parad möhtəşəm sonluğu olub.
"Türk ulduzları" aviasiya qrupunun tərkibinə daxil olan səkkiz F-5 və "SOLOTÜRK" qrupunun tərkibindəki F-16 təyyarələri hərbi parada gələnlərə yüksək pilotajın mükəmməl elementlərini nümayiş etdiriblər.
Tamaşaçılar bütün Dənizkənarı Milli Park boyunca hava tryuklarına tamaşa ediblər. Türk pilotlar ən çətin elementləri belə yüksək ustalıq və dəqiqliklə yerinə yetirərək, insanların alqışını qazanıblar.
"SOLOTÜRK" Türkiyə Silahlı Qüvvələrinin 100 illiyi ilə bağlı 2011-ci ildə yaradılıb. Qrupun pilotları tez-tez müxtəlif ölkələrdə aviaşoularda çıxış edirlər və artıq Belçika, Böyük Britaniya, Çexiya, Şimali Kipr, Avstraliya və Maltada olublar.
"Türk ulduzları" Türkiyə Hərbi Hava Qüvvələrinin pilotaj eskadrilyasıdır. Pilotlar elementləri 8 ədəd F-5 təyyarəsində yerinə yetirirlər.
Xatırladaq ki, Azərbaycanın müasir tarixində ilk hərbi parad 1992-ci il oktyabrın 9-da, ikinci 2008-ci il iyunun 26-da, üçüncü 2011-ci il iyunun 26-da, dördüncü 2013-cü il iyunun 26-da olub. olub
Azərbaycan prezidentinin 1998-ci il 22 may fərmanı ilə iyunun 26-sı Azərbaycan Hərbi Qüvvələri günü kimi qeyd edilir.
