BAKI, 25 okt-Sputnik. Azərbaycanda keçiriləcək parlament seçkilərini müşahidə etmək üçün İsraildən gələn nümayəndə heyətinin tərkibində İsrailin keçmiş xarici işlər naziri, "Naş dom- İsrail" partiyasının lideri Aviqdor Liberman da var.
Sputnik "Seçki-2015"ə istinadən xəbər verir ki, bu barədə "AZİZ" İsrail- Azərbaycan Beynəlxalq Assosiasiyasının baş direktoru Lev Spivak məlumat verib.
Onun sözlərinə görə, İsrail nümayəndə heyəti oktyabrın 30-da Bakıya gələcək.
Nümayəndə heyətinin tərkibinə 4 nəfər- İsrailin keçmiş xarici işlər naziri, "Naş dom- İsrail" partiyasının lideri Aviqdor Liberman, keçmiş nazir Sofa Landver, İsrail parlamentinin üzvü Konstantin Razbozov, İsrailin ABŞ-dakı keçmiş səfiri Maykl Oren daxildir.
İsrail nümayəndə heyəti noyabrın 2-də seçki müşahidələrinin nəticəsi ilə bağlı mətbuat konfransı keçirməyi planlaşdırır.
