01:50 22 Yanvar 2021
Canlı yayım
  • USD1.7000
  • RUB0.0232
  • EUR2.0623
Parlament seçkiləri 2015
Qısa URL
3701

MSK-dan verilən məlumata görə, pulsuz efir vaxtı və seçki materiallarının pulsuz dərc olunması aşağıdakı KİV-də həyata keçiriləcək: İctimai Televiziya və Radio Yayımları Şirkəti; “Azərbaycan” qəzeti; “Xalq qəzeti”; “Bakinski raboçi” qəzeti.

BAKI, 18 sen — Sputnik. Milli Məclisə seçkilərdə kütləvi informasiya vasitələrində seçkiqabağı təşviqat aparmaq məqsədilə ölkə üzrə birmandatlı seçki dairələrinin 60-dan çoxunda namizədləri qeydə alınmış siyasi partiyalara, siyasi partiyaların bloklarına aşağıda göstərilən kütləvi informasiya vasitələrində ödənişsiz efir vaxtı və dərc üçün yer ayrılacaq.

MSK Katibliyinin media və ictimai əlaqələr şöbəsindən verilən məlumata görə, pulsuz efir vaxtı və seçki materiallarının pulsuz dərc olunması aşağıdakı KİV orqanlarında həyata keçiriləcək:

— İctimai Televiziya və Radio Yayımları Şirkəti;

— “Azərbaycan” qəzeti;

— “Xalq qəzeti”;

— “Bakinski raboçi” qəzeti.

 Yuxarıda göstərilən qurumlar, o cümlədən digər teleradio verilişləri təşkilatları və dövri nəşrlərin redaksiyaları seçkiqabağı təşviqat üçün ödənişli efir vaxtı və yaxud dərc üçün yer ayrılmasının mümkünlüyünə dair qərar qəbul etdikdə, bu barədə Azərbaycan Respublikasının Mərkəzi Seçki Komissiyasına müvafiq bildirişlər göndərməli, efir vaxtının verilməsinə və dərc üçün yerin ayrılmasına görə ödənişin əsasları, şərtləri və məbləği barəsində məlumatları seçkilərin təyin edilməsi haqqında qərarın rəsmi dərc olunmasından sonra ən geci 30 gün keçənədək dərc etməlidirlər.

Əsas mövzular