"Qanlı göl"də üç insanın skeleti tapıldı, Baş Prokurorluq hərəkətə keçdi

© AP Photo / Markus SchreiberСкелет человека, фото из архива
Скелет человека, фото из архива - Sputnik Azərbaycan, 1920, 15.09.2021
Abunə olmaq
"Qanlı göl"ün qərb hissəsində, köməkçi yolun sağ kənarında yerləşən təpəliyin təxminən yerdən 8 metr hündürlüyündə olan qatları arasında 3 ədəd insan kəllə sümüyünə bənzər qalıqlar, o cümlədən insan skeletinin digər hissələri aşkar edilib.
BAKI, 15 sentyabr - Sputnik. Bakının Yasamal rayonunda, "Qanlı göl" adlandırılan ərazidə 3 insanın skeleti aşkar olunub.
Bu barədə Sputnik Azərbaycan-a Baş Prokurorluğun Mətbuat Xidmətindən məlumat verilib.
Məlumatda qeyd olunur ki, "Qanlı göl"ün qərb hissəsində, köməkçi yolun sağ kənarında yerləşən təpəliyin təxminən yerdən 8 metr hündürlüyündə olan qatları arasında 3 ədəd insan kəllə sümüyünə bənzər qalıqlar, o cümlədən insan skeletinin digər hissələri aşkar edilib.
Prokurorluq əməkdaşları tərəfindən məhkəmə-tibb ekspertinin iştirakı ilə əraziyə baxış keçirilib, aşkar olunmuş insan skeletinə bənzər sümüklər müvafiq qaydada qablaşdırılaraq götürülüb.
İş üzrə məhkəmə-tibb ekspertiza təyin edilib. Faktla bağlı hazırda Yasamal Rayon Prokurorluğunda araşdırma aparılır.
Xəbər lenti
0