Xudafərində təbrizlilərlə birlikdə unikal layihənin əsası qoyulur

© Official website of President of Azerbaijan RepublicCəbrayıl
Cəbrayıl  - Sputnik Azərbaycan, 1920, 08.07.2021
Abunə olmaq
Azərbaycan Sahibkarlar Konfederasiyasında İranın Şərqi Azərbaycan (Təbriz) valisinin iqtisadi məsələlər üzrə müavini ilə görüş keçirilib.

BAKI, 8 iyul — Sputnik. Azərbaycan Sahibkarlar Konfederasiyasında İranın Şərqi Azərbaycan (Təbriz) valisinin iqtisadi məsələlər üzrə müavini Əli Cahangirinin rəhbərlik etdiyi nümayəndə heyəti ilə görüş keçirilib.

Sputnik Azərbaycan xəbər verir ki, Azərbaycan Sahibkarlar Konfederasiyasının prezidenti Məmməd Musayev ölkəmizdəki biznes imkanları, dayanıqlı iqtisadi inkişafa nail olmaq üçün görülən işlər, respublikaya xarici investisiyaların cəlb edilməsi üçün yaradılan münbit şərait, eyni zamanda Azərbaycanın MDB, Türkiyə və Avropa bazarlarına geniş çıxış imkanları, logistika infrastrukturu barədə qonaqlara ətraflı məlumat verib.

Əli Cahangiri 44 günlük Vətən müharibəsində Azərbaycanı qazandığı qələbə münasibətilə təbrik edərək, ərazilərimizin azad olunmasının hər iki ölkə arasında iqtisadi əlaqələr üçün yeni imkanlar yaratdığını bildirib. O, Təbrizin tarixən sənətkarlar şəhəri olduğunu və şəhərdə 4 minədək zavodun, eləcə də 27 minədək kiçik və orta sahibkarlıq subyektinin fəaliyyət göstərdiyini qeyd edib. Ə.Cahangiri təmsil etdiyi bölgənin və ümumilikdə İranın böyük iqtisadi və investisiya potensialı, Azərbaycan və İran sahibkarlarının birgə müəssisələr yaradaraq iki ölkə arasında ticarət dövriyyəsinin artırılması və gələcəkdə bu məhsulları üçüncü ölkələrə ixrac etmək imkanları barədə fikirlərini bölüşüb.

© Photo : National Confederation of Entrepreneurs (Employers) Organizations of the Republic of AzerbaijanAzərbaycan Sahibkarlar Konfederasiyasında İranın Şərqi Azərbaycan (Təbriz) valisinin iqtisadi məsələlər üzrə müavini Əli Cahangirinin rəhbərlik etdiyi nümayəndə heyəti ilə görüş
Xudafərində  təbrizlilərlə birlikdə unikal layihənin əsası qoyulur - Sputnik Azərbaycan, 1920, 08.07.2021
Azərbaycan Sahibkarlar Konfederasiyasında İranın Şərqi Azərbaycan (Təbriz) valisinin iqtisadi məsələlər üzrə müavini Əli Cahangirinin rəhbərlik etdiyi nümayəndə heyəti ilə görüş

Bu kontekstdə Azərbaycan Sahibkarlar Konfederasiyasının da üzvü olduğu Beynəlxalq Sənayeçilər və Sahibkarlar Konqresinin fəaliyyəti və bu platforma üzərindən 30-dək ölkəyə, eləcə də Rusiya bazarına çıxış imkanları barədə qonaqlara məlumat verilib.

Ə.Cahangiri Xudafərində İran və Azərbaycan məhsullarının sərgi və satış yarmarkasının keçirilməsi, gələcəkdə müştərək sərbəst bazar zonasının yaradılması və Təbrizə biznes-missiyasının təşkili ilə bağlı təkliflər irəli sürüb.

Daha sonra, Azərbaycan Sahibkarlar Konfederasiyası ilə Təbriz Ticarət, Sənaye və Mədənlər Palatası arasında Anlaşma Memorandumu imzalanıb. Memorandum, birgə fəaliyyət üçün sənaye sahələrinin müəyyənləşdirilməsi, əməkdaşlığın genişləndirilməsi və birgə layihələrin hazırlanması üçün potensial imkanların müəyyən edilməsi kimi məqsədləri əhatə edir.

Xəbər lenti
0