Ukrayna eks-prezidentinin Azərbaycana göndərdiyi konfetlər yararsız çıxıb

© Sputnik / Kirill KallinikovРоссия запретила ввоз украинской продукции
Россия запретила ввоз украинской продукции - Sputnik Azərbaycan, 1920, 29.06.2021
Abunə olmaq
Müayinələr nəticəsində məhsul partiyasında kif və maya göbələklərinin miqdarının normadan çox olduğu aşkar edilib.

BAKI, 29 iyun — Sputnik. Azərbaycanlıların sevə-sevə yediyi, Ukraynanın "Roshen" firmasına məxsus konfetlərin istehlaka yararsız olduğu aşkarlanıb. Bu barədə məlumatı Azərbaycan Qida Təhlükəsizliyi Agentliyi (AQTA) yayıb. 

Məlumatda bildirilir ki, AQTA tərəfindən ölkəyə idxal olunan qida məhsullarına nəzarət tədbirləri çərçivəsində Ukraynada istehsal olunan və "Azroşen" MMC tərəfindən ölkəmizə idxal edilən "Roshen" əmtəə nişanlı karamel məhsuluna müfəttişlər tərəfindən baxış keçirilib.

Məhsullardan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasında müayinələrə cəlb olunub. Müayinələr nəticəsində məhsul partiyasında kif və maya göbələklərinin miqdarının normadan çox olduğu aşkar edilib. İdxal olunan məhsulun texniki normativ hüquqi aktların tələblərinə uyğun olmadığı, istehlak üçün yararsız olduğu müəyyən edilib. Aşkar olunmuş faktla bağlı qanunvericiliyə uyğun müvafiq qərar qəbul edilib və istehlak üçün yararsız 8,3 ton karamel məhsulunun satış şəbəkəsinə daxil olunmasının qarşısı alınıb.

AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində ardıcıl tədbirlərini davam etdirir və istehlakçı hüquqlarının pozulmasına yönəlmiş qanunsuz halların qarşısı alınacaq.

Qeyd edək ki, "Roshen" Ukraynanın qənnadı korporasiyasıdır. Dünyanın ən böyük 30 qənnadı şirkətlərindən biridir. Şirkətin əsas ofisi Ukraynanın paytaxtı Kiyevdədir. Şirkətin məhsulları dünyanın 30-dan artıq ölkəsində satılır.

"Roshen" şirkətinin rəhbəri Ukraynanın sabiq prezidenti Pyotr Poroşenkodur.

Xəbər lenti
0