17:35 03 Avqust 2021
Canlı yayım
  • USD1.7000
  • EUR2.0195
  • RUB0.0233
XƏBƏRLƏR
Qısa URL
49 0 0

Vətən müharibəsində qazandığımız qələbə artıq bizi keçmişə bağlı qalmağa deyil, gələcəklə bağlı düşünməyə vadar edir.

BAKI, 21 iyun — Sputnik. Azərbaycanda yeni nəsil texnologiyalarla bağlı araşdırma mərkəzi yaradılıb. Bu barədə Sputnik Azərbaycan-a mərkəzin təsisçiləri məlumat veriblər. Onlar qeyd ediblər ki, mərkəz oxuculara dünyada yeni hərbi texnologiyalarla bağlı ən son məlumatları çatdıracaq.

Mərkəzin yaranması barədə yayılan bəyanatda deyilir: 

"Gələcək zamanla bağlı fikirlərimiz, düşüncələrimiz, xəyallarımız əslində bu günümüzə təsir edir, bizi hansısa yeniliklərlə bağlı məlumatlı olmağa təşviq edir. Gələcəyimizi formalaşdıracaq Dördüncü Sənaye İnqilabı adlanan dövr artıq qapımızın astanasındadır. Qarşıda bəşəriyyəti Süni Zəka, robotlar, nanotexnologiya və digər möhtəşəm innovasiyalar gözləyir. Təsadüfi deyil ki, bu ilin yanvar ayında Prezident İlham Əliyevin fərmanı ilə İqtisadiyyat Nazirliyinin tabeliyində "Dördüncü Sənaye İnqilabının Təhlili və Koordinasiya Mərkəzi" yaradılıb.

Tarixin keşməkeşli yollarından keçən Azərbaycan da bu inqilabi dövrdən yan keçməməlidir. Vətən müharibəsində qazandığımız qələbə artıq bizi keçmişə bağlı qalmağa deyil, gələcəklə bağlı düşünməyə vadar edir.

Bunları nəzərə alaraq, Azərbaycanda Dördüncü Sənaye İnqilabının həyatımıza gətirəcəyi yeniliklər, eləcə də müdafiə sənayesinin müxtəlif sahələri barədə araşdırmalar aparacaq yeni mərkəzin yaradıldığını elan edirik".

"Strategy Vision" (Strateji baxış) adlanan yeni mərkəzin eyni adlı Strategyvision.org saytı da fəaliyyətə başlayıb.

Mərkəz Azərbaycanda fəaliyyət göstərən Süni Zəka, insansız sistemlər, qlobal müdafiə sənayesi bazarı, yeni nəsil müharibələri və digər mövzularda araşdırmalar aparan müstəqil araşdırma mərkəzidir.

"Mərkəz oxuculara dünyada yeni hərbi texnologiyalarla bağlı ən son məlumatları çatdırır, onları təhlil edir və perspektivdə onların Azərbaycana tətbiqi ilə maraqlanır. Mərkəz qeyd olunan mövzularda araşdırmalar aparan mütəxəssislər və dövlət və qeyri-dövlət qurumları ilə əməkdaşlıq etməyə hazırdır", - deyə mərkəzin bəyanatında bildirilir.

Əsas mövzular