09:06 29 İyul 2021
Canlı yayım
  • USD1.7000
  • EUR2.0095
  • RUB0.0231
XƏBƏRLƏR
Qısa URL
28 0 0

Azərbaycanın iqtisadiyyat naziri dövlət büdcəsinə vergi daxilolmalarından danışarkən deyib ki, artım əsasən qeyri-neft-qaz sektorunun hesabınadır.

BAKI, 21 iyun — Sputnik. İqtisadi inkişafa stimul yaradan mütərəqqi vergi sisteminin tətbiqi müsbət nəticələr verir.

Sputnik Azərbaycan xəbər verir ki, bunu Azərbaycanın iqtisadiyyat naziri Mikayıl Cabbarov özünün "Twitter" hesabında yazıb.

"Bu ilin yanvar-may aylarında dövlət büdcəsinə vergi daxilolmaları 3,8 mlrd. manatdan çox olub. Daxilolmalar üzrə proqnoz 127,1% icra edilib. Artım əsasən qeyri-neft-qaz sektorunun hesabınadır. Bu sahə üzrə daxilolmalar 2 mlrd. 754 mln. manat təşkil edib və proqnozdan əlavə büdcəyə 471,8 mln. manat ödənilib", - deyə nazir əlavə edib.

I rübdə vergi proqnozuna 121,1 % əməl edilib

Qeyd edək ki, bu ilin yanvar-aprel aylarında Azərbaycanın dövlət büdcəsinə vergi daxilolmaları üzrə proqnozun icrası 131,7 % təşkil edib. Büdcəyə nəzərdə tutulandan 780,7 milyon manat artıq vəsait daxil olub ki, bunun da 451 milyon manatı qeyri-neft-qaz sektorunun payına düşüb.

Bu ilin I rübündə Azərbaycanda dövlət büdcəsinə vergi daxilolmaları 2 085,73 milyon manat təşkil edib. Bununla da, proqnoza 121,1% əməl edilib. Rüb ərzində büdcəyə əlavə daxilolmalar 363,8 milyon manatdan çox olub ki, bunun da 211,1 milyon manatı qeyri-neft-qaz sektorunun payına düşüb.

Ötən il vergi daxilolmaları 7 milyard 387,3 milyon manat olub

2020-ci ildə Dövlət Vergi Xidmətinin xətti ilə dövlət büdcəsinə vergi daxilolmaları 7 milyard 387,3 milyon manat təşkil edib. Koronavirus pandemiyası vergi yığımlarına da təsir göstərib. Belə ki, ötən il dövlət büdcəsinə vergi daxilolmaları 7 milyard 387,3 milyon manat təşkil edib ki, bu da 2019-cu illə müqayisədə 3,7% azdır. Bununla yanaşı, dövlət büdcəsinə daxilolmalar üzrə plan 2,7% artıqlaması ilə yerinə yetirilib. Dövlət büdcəsinə vergi daxilolmaları 2020-ci ildə ölkə üzrə ÜDM-in 10,2%-ni təşkil edib ki, bu da 2019-cu illə müqayisədə 0,8 faiz bəndi çoxdur.

Qeyri-neft sektoru xətti ilə vergi daxilolmaları 5 milyard 608,7 milyon manat təşkil edib, bu isə 2019-cu illə müqayisədə 3,2% çoxdur.

Əsas mövzular