19:45 15 İyun 2021
Canlı yayım
  • USD1.7000
  • EUR2.0567
  • RUB0.0236
XƏBƏRLƏR
Qısa URL
26

Səfərdə məqsəd MDB hökumət başçılarının iclasında iştirak etməkdir. Müstəqil Dövlətlər Birliyi Hökumət Başçıları Şurasının iclası mayın 28-də Minskdə keçiriləcək.

BAKI, 27 may — Sputnik. Bu gün Azərbaycan Respublikasının Baş naziri Əli Əsədov Minskə gedib.

Bu barədə Nazirlər Kabinetindən məlumat verilib.

Bildirilib ki, səfərdə məqsəd MDB hökumət başçılarının iclasında iştirak etməkdir.

Müstəqil Dövlətlər Birliyi Hökumət Başçıları Şurasının iclası mayın 28-də Minskdə keçiriləcək.

İclas iştirakçıları infeksion xəstəliklərin yayılmasının qarşısının alınması üzrə tədbirləri, MDB ölkələri ərazilərinin sanitar mühafizəsi sahəsində və Birlik dövlətlərinin əhalisinin məşğulluğuna kömək sferasında əməkdaşlıq məsələlərini müzakirə edəcəklər.

Saxta əmtəə nişanlarından və coğrafi göstəricilərdən istifadə hallarının qarşısının alınması və onların aradan qaldırılması, dabaq xəstəliyinin profilaktikası və onunla mübarizə, həmçinin geodeziya, xəritəçəkmə, kadastr və Yerin məsafədən zondlaşdırılması sahəsində qarşılıqlı fəaliyyət məsələlərində əməkdaşlığı reqlamentləşdirən sənədlərin imzalanması da planlaşdırılır.

İclasda Dövlət maddi ehtiyatlarının idarə edilməsini həyata keçirən dövlət (icra) hakimiyyəti orqanlarının Əməkdaşlıq Konsepsiyası təsdiqlənəcək, silahlı qüvvələrin zabitlərinin operativ-strateji hazırlığı sahəsində baza təşkilatı və kadr təyinatı barədə qərarlar imzalanacaq.

Bundan başqa, hökumət başçıları MDB orqanlarının fəaliyyətinə dair bir sıra kadr qərarlarını, o cümlədən İcraiyyə Komitəsi sədrinin– təşkilatın icraçı katibinin müavinlərinin və MDB-nin Statistika Komitəsi sədrinin vəzifəyə təyin olunmaları barədə qərarlar qəbul edəcəklər.

Əsas mövzular