Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiya XKX-nin direktoru: Çexiya bu "miskin və alçaq yalanın" arxasında gizlənir

© Sputnik / Aleksey Druzhinin / Mediabanka keçidДиректор Службы внешней разведки РФ Сергей Нарышкин, фото из архива
Директор Службы внешней разведки РФ Сергей Нарышкин, фото из архива - Sputnik Azərbaycan, 1920, 23.04.2021
Abunə olmaq
Narışkinin sözlərinə görə, Qərb ölkələrinin siyasi liderləri xəstəlik dərəcəsində təkidlə beynəlxalq sabitlik və təhlükəsizliyin incə və olduqca kövrək materiyasını məhv etməyə çalışırlar.

BAKI, 23 aprel — Sputnik. Çexiya Rusiyanı 7 il əvvəl baş vermiş Vrbetitsa hadisəsində iştirakda günahlandıraraq bu "miskin və alçaq yalanın" arxasında gizlənir. Bu fikri Rusiya Tarix Cəmiyyətinin sədri, Xarici Kəşfiyyat Xidmətinin direktoru Sergey Narışkin bildirib. Sputnik Azərbaycan bu barədə Rusiya mediasına istinadla məlumat yayıb.

"Çexiya öz fəaliyyətində, bəlkə də, yalnız intellektual səviyyəsi yetərincə yüksək olmayan insanlar üçün nəzərdə tutulmuş bu cür miskin və alçaq yalanın arxasına sığınır", – deyə o bildirib.

Narışkin bəyan edib, Praqa diplomatik qalmaqalla bağlı vəziyyətlə əlaqədar Moskva ilə münasibətlərdə ciddi kəskinləşməyə gedib.

"Qərb ölkələrinin siyasi liderləri xəstəlik dərəcəsində təkidlə beynəlxalq sabitlik və təhlükəsizliyin incə və olduqca kövrək materiyasını məhv etməyə çalışırlar. Çex Respublikası bu məsələdə gözümüzün önündə bir xeyli uzağa getdi. Xarici siyasətdə məhdud suverenliyə malik bu ölkə Rusiya ilə qarşıdurmaya getməkdən çəkinmədi və etiraf etməliyik ki, öz cavabını aldı", – deyə Rusiya Xarici Kəşfiyyat Xidmətinin direktoru vurğulayıb.

Qeyd edək ki, keçən həftənin sonlarında Çexiya Rusiya diplomatlarını ölkədən qovub. Bu qərar 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə əlaqələndirilib. Bundan sonra Rusiya XİN-i Çexiya Respublikasının Moskvadakı səfirliyinin 20 əməkdaşını "persona non qrata" elan edib. Həmin şəxslər aprelin 19-a kimi Rusiya ərazisini tərk etməli idilər.

Eyni zamanda, Çexiya respublikasının fövqəladə və səlahiyyətli səfiri Vitezslav Pivonka Rusiya XİN-ə çağırılıb.

Baş verənlərlə bağlı Rusiya diplomatiya idarəsi Çexiya hökumətinə sərt etirazını bildirib və cavab tədbirlərinin görüləcəyini bəyan edib.

Rusiya XİN-in rəsmi nümayəndəsi Mariya Zaxarova isə bəyan edib ki, Çexiya hakimiyyəti aradan keçən yeddi il ərzində hərbi anbarlarda baş verən partlayışın səbəbini araşdırıb başa çıxa bilməyib.

"Sözügedən hadisə ilə bağlı ortada demək olar ki, rəsmi material yoxdur. Bu, paradoksdur", – deyə Zaxarova vurğulayıb.

Xəbər lenti
0