İbrahim Həşimov, Sputnik Azərbaycan
BAKI, 15 aprel — Sputnik. Azərbaycan Dövlət Pedaqoji Universitetinin Şəki filialı koronavirus səbəbindən bağlanıb. Universitetin mətbuat katibi Cavid Hüseynov Sputnik Azərbaycan-a bildirib ki, universitetdə dərslər distant formada təşkil olunur. İşçi heyətin bir qismi isə qaydalara uyğun şəkildə təhsil ocağına gəlirdi. Onlar arasında da yoluxma qeydə alınıb. Koronavirusa yoluxanlar arasında filialın rektoru Rafiq Rəsulov da var.
"Nazirlər Kabineti yanında Operativ Qərargahın qərarı ilə universitetin 30 faiz işçisi təhsil müəssisəsində işə davam edirdi. Hazırda həmin 30 faiz işçi arasında çoxlu sayda koronavirusa yoluxma qeydə alınıb. Bu səbəbdən də universitet 2 həftəlik karantinə bağlanıb". – C. Hüseynov deyib.
