20:28 02 Mart 2021
Canlı yayım
  • USD1.7000
  • RUB0.0229
  • EUR2.0440
XƏBƏRLƏR
Qısa URL
31 0 0

"Antiinhisar və İstehlak Bazarına Nəzarət Dövlət Xidmətinin apardığı monitorinqin nəticəsi olaraq yanacağın keyfiyyətində problemlər aşkarlanıb" - Məmməd Abbasbəyli.

Nigar İsgəndərova, Sputnik Azərbaycan

BAKI, 17 fevral — Sputnik. "Yanacağın keyfiyyəti ilə bağlı çoxsaylı müraciətlər daxil olur. Tərəfimizdən aparılan monitorinqlərə əsasən deyə bilərik ki, bu şikayətlər əsaslıdır. Monitorinqin nəticəsi olaraq yanacağın keyfiyyətində problemlər aşkarlanıb".

Sputnik Azərbaycan-ın xəbərinə görə, bu barədə Antiinhisar və İstehlak Bazarına Nəzarət Dövlət Xidmətinin “2020-ci ilin yekunları” adlı onlayn konfransı zamanı Xidmətin rəis müavini Məmməd Abbasbəyli deyib.

M.Abbasbəyli monitorinq aparılan yanacaqdoldurma məntəqələrinin sayını açıqlayıb: "Tərəfimizdən 36 yanacaqdoldurma məntəqəsində müşahidələr aparılıb və onların əksəriyyətində kənarlaşmalar müşahidə edilib. Qeyd edim ki, artıq bizim tərəfimizdən yanacağın keyfiyyətinə nəzarət və tənzimləyici metodlarla bağlı olaraq müzakirələr aparılıb, tədbirlər planı hazırlayırıq. Bu standartlarda yanacağın istehsalından tutmuş keyfiyyətinədək bütün standartlar nəzərə alınacaq. Yəqin ki, qısa müddətdə bu haqda məlumat verəcəyik".

 

Teqlər:
yanacaqdoldurma məntəqəsi, yanacaq, antiinhisar, antiinhisar qanunvericiliyinin pozulması, İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti, Antiinhisar Siyasəti və İstehlakçıların Hüquqlarının Müdafiəsi Dövlət Xidməti

Əsas mövzular