Zabitlər general-mayor Polad Həşimovun məzarını ziyarət ediblər

© AR Ministry of DefenceGeneral-mayor Polad Həşimovun xatirəsi yad edilib
General-mayor Polad Həşimovun xatirəsi yad edilib - Sputnik Azərbaycan
Abunə olmaq
Şəhidin qardaşı İlham Həşimov Azərbaycan Respublikasının Prezidentinə və Müdafiə Nazirliyinin rəhbərliyinə göstərilən diqqət və qayğıya görə minnətdarlığını bildirib.

BAKI, 2 yanvar — Sputnik. Yanvarın 2-də Müdafiə Nazirliyinin bir qrup zabiti, Vətən müharibəsinin iştirakçıları, eləcə də Milli Qəhrəmanın ailə üzvləri Azərbaycanın Milli Qəhrəmanı general-mayor Polad Həşimovun məzarını ziyarət edərək ehtiramlarını bildirib.

Polad Həşimovun ağac üzərində rəsmi - Sputnik Azərbaycan
Ölümü ilə hər kəsi ayağa qaldırmış general

Sputnik Azərbaycan Müdafiə Nazirliyinin saytına istinadən xəbər verir ki, anım mərasimində Əməkdar incəsənət xadimi, Prezidentin fərdi təqaüdçüsü, polkovnik Abdulla Qurbani Milli Qəhrəmanın həyat və döyüş yolu haqqında ətraflı məlumat verib.

Bildirilib ki, P.Həşimov 45 il əvvəl Qəbələ rayonunun Vəndam kəndində anadan olub. Ailələri ilə birgə Sumqayıt şəhərinə köçdüyündən Sumqayıt şəhər 28 və 34 nömrəli məktəblərdə orta təhsil alıb. Sonra o, taleyini hərbçilik peşəsinə bağlamaq üçün indiki Heydər Əliyev adına Azərbaycan Ali Hərbi Məktəbinə daxil olub və bu xüsusi təyinatlı təhsil ocağını müvəffəqiyyətlə bitirib.

© AR Ministry of DefenceGeneral-mayor Polad Həşimovun xatirəsi yad edilib
Zabitlər general-mayor Polad Həşimovun məzarını ziyarət ediblər - Sputnik Azərbaycan
General-mayor Polad Həşimovun xatirəsi yad edilib

Taqım komandirliyindən "general-mayor" ali hərbi rütbəsinədək yüksələn P.Həşimov, cəbhə bölgələrində xidmət edərək qarşıya qoyulmuş əmr və tapşırıqların layiqincə yerinə yetirilməsi üçün səy göstərib.

P.Həşimov 14 iyul 2020-ci il tarixdə Ermənistan-Azərbaycan sərhədinin Tovuz rayonu istiqamətində düşmən təxribatlarının qarşısını alarkən qəhrəmancasına şəhid olub. Azərbaycan Respublikası Prezidentinin 9 dekabr 2020-ci il tarixli Sərəncamı ilə ölümündən sonra "Azərbaycanın Milli Qəhrəmanı" fəxri adına layiq görülüb.

© AR Ministry of DefenceGeneral-mayor Polad Həşimovun xatirəsi yad edilib
Zabitlər general-mayor Polad Həşimovun məzarını ziyarət ediblər - Sputnik Azərbaycan
General-mayor Polad Həşimovun xatirəsi yad edilib

Anım mərasimində çıxış edən polkovnik Aydın Əyyubov Müdafiə Nazirliyinin rəhbərliyi adından bir daha şəhidin ailəsinə başsağlığı verib və Polad kimi oğulların ölməzliyini, əbədiliyini bir daha vurğulayıb.

Şəhidin qardaşı İlham Həşimov Azərbaycan Respublikasının Prezidentinə və Müdafiə Nazirliyinin rəhbərliyinə göstərilən diqqət və qayğıya görə minnətdarlığını bildirib.

© AR Ministry of DefenceGeneral-mayor Polad Həşimovun xatirəsi yad edilib
Zabitlər general-mayor Polad Həşimovun məzarını ziyarət ediblər - Sputnik Azərbaycan
General-mayor Polad Həşimovun xatirəsi yad edilib

Şəhidin məzarı önünə Müdafiə Nazirliyi adından əklil və gül dəstələri qoyulub, dualar oxunub və Azərbaycan əsgərinin hər an Ali Baş Komandanın əmrlərinə hazır olduqları vurğulanıb.

Xəbər lenti
0