23:25 16 Yanvar 2021
Canlı yayım
  • USD1.7000
  • RUB0.0232
  • EUR2.0652
XƏBƏRLƏR
Qısa URL
13 0 0

Sosial.gov.az-da "Şəhid ailələri və müharibə iştirakçılarına sosial dəstək" adlı yeni bölmə yaradılıb.

BAKI, 18 dekabr — Sputnik. Şəhid ailələri və müharibə iştirakçılarının hüquq və imtiyazları barədə suallarla bağlı Əmək və Əhalinin Sosial Müdafiəsi Nazirliyinin rəsmi internet saytında bölmə yaradılıb.

Nazirlikdən Sputnik Azərbaycan-a verilən məlumatda bildirilir ki, postmüharibə dövründə aktual mövzulardan biri də şəhidlik zirvəsinə ucalmış qəhrəmanlarımızın ailə üzvlərinin, müharibə əlilləri, veteranları və iştirakçılarının sosial təminat hüquqları, onlara göstərilən sosial dəstək tədbirləri ilə bağlıdır.

Bununla əlaqədar məlumatlılıq səviyyəsinin artırılması, xüsusilə həmin kateqoriyalardan olan vətəndaşların daha rahat şəkildə dolğun məlumatlara malik olmaları üçün Əmək və Əhalinin Sosial Müdafiəsi Nazirliyinin rəsmi internet saytında (sosial.gov.az) "Şəhid ailələri və müharibə iştirakçılarına sosial dəstək" adlı yeni bölmə yaradılıb. Bölmədə şəhid ailələri, müharibə əlilləri, veteranları və iştirakçılarına müvafiq statusların verilməsi qaydası, onların malik olduqları imtiyaz və sosial təminat hüquqları, sosial vəziyyətlərinə uyğun olaraq göstərilən dəstək tədbirləri və s. barədə məlumatlar təqdim edilir. Bu hüquqların təminatı, sosial dəstək tədbirləri ilə əhatə olunmaq üçün prosedurlar da diqqətə çatdırılır.

Əsas mövzular