Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Bakı-Tbilisi-Qars dəmiryolu ildə 3 milyon sərnişin daşıyacaq

© Azerbaijan Railways CJSCПассажирский поезд, который будет курсировать по железной дороге Баку-Тбилиси-Карс
Пассажирский поезд, который будет курсировать по железной дороге Баку-Тбилиси-Карс - Sputnik Azərbaycan
Abunə olmaq
2024-cü ilə kimi bu dəmiryolu ilə yük daşımalarının həcminin artırılaraq 6,5 milyon tondan 20 milyon tona çatdırılması planlaşdırılır.

BAKI, 15 dekabr — Sputnik. Bakı-Tbilisi-Qars dəmiryolunun sərnişin və yükdaşıma həcmi artırılacaq. Sputnik Azərbaycan-nın TRT Haber-ə istinadla yaydığı xəbərə görə, bu barədə Türkiyənin nəqliyyat və infrastruktur naziri Adil Karaismayıloğlu məlumat verib. Onun sözlərinə görə, hazırda illik daşıma həcmi 1 milyon sərnişin və 6,5 milyon ton yük olan dəmiryolu xətti ilə 2024-cü ildə sərnişin daşımalarının həcminin 3 milyon nəfərə, yük daşımalarının həcminin isə 20 milyon tona çatdırılması planlaşdırılır. Beləliklə də Bakı-Tbilisi-Qars dəmiryolu xəttinin Türkiyənin sərnişin və yük daşımalarındakı payı 5 faizdən 10 faizə qədər artacaq.

Qeyd edək ki, Bakı-Tbilisi-Qars dəmiryolu xətti 2017-ci ilin oktyabr ayında istismara verilib. Bu dəmiryolu xətti Azərbaycanın paytaxtı Bakı, Gürcüstanın paytaxtı Tbilisi və Axalkalaki şəhərlərindən keçməklə Türkiyənin Qars şəhərində başa çatır. Layihə Türkiyəni Azərbaycanla (həmçinin Mərkəzi Asiya və Çini Avropa ilə) dəmiryolu vasitəsilə birləşdirmək məqsədi daşıyır.

Xəbər lenti
0